قىزىلوردا وبلىسىندا 9 «مۇعالىم» جالعان ديپلوممەن قىزمەت اتقارعان

استانا. KAZINFORM - قىزىلوردا وبلىسىندا مەكتەپتەر مەن بالاباقشالاردا جالعان ديپلوممەن جۇمىس جاساۋ دەرەكتەرى انىقتالدى.

بۇل كەلەڭسىزدكتەر پروكۋراتۋرانىڭ تەكسەرۋى بارىسىندا انىقتالدى. تەكسەرۋ بارىسىندا بايقوڭىرداعى 2 مەكتەپتە – 3، قازالىدا 3 مەكتەپتە – 4، قارماقشىدا 1 مەكتەپتە - 2 قىزمەتكەردىڭ جالعان ديپلوممەن جۇمىس ىستەگەنى بەلگىلى بولدى.

«سونداي-اق سىرداريا اۋدانىنىڭ بالاباقشالارىندا جالعان ديپلوممەن 11 تاربيەشىنىڭ جۇمىس جاساۋ دەرەگى تىركەلدى. ماتەريالدار تەرگەۋ ارەكەتتەرىن جۇرگىزۋ ءۇشىن پوليتسيا ورگاندارىنا جىبەرىلدى. ودان بولەك، قىزىلوردا قالاسىنداعى مەكتەپتەردە 50 دەن استام مۇعالىم زاڭسىز كونكۋرسسىز قابىلدانعان. قىزىلوردا قالالىق ءبىلىم ءبولىمىنىڭ باسشىسى قۇزىرەتتىلىگى جوق بولسا دا مامانداردى تىكەلەي مەكتەپكە مۇعالىم رەتىندە تاعايىنداعان»، - دەپ ءمالىم ەتتى وبلىستىق پروكۋراتۋرادان.

ۆەدوومستۆو مالىمەتىنشە، تەكسەرۋ ناتيجەسىمەن 56 قاداعالاۋ اكتى ەنگىزىلىپ، 1100 (353 تارتىپتىك، 747 اكىمشىلىك) ادام ءتۇرلى جاۋاپتىلىققا تارتىلدى. ونىڭ ىشىندە قىزىلوردا قالالىق ءبىلىم ءبولىمىنىڭ بۇرىنعى باسشىسى قىزمەتىنەن بوساتىلعان.

ەسكە سالساق، بۇدان بۇرىن قىزىلوردادا بەس كۇندە وتباسى جانجالىنا بايلانىستى 4 قىلمىستىق ءىس تىركەلدى.