وبلىستىق ءبىلىم ساپاسىن قامتاماسىز ەتۋ دەپارتامەنتىنىڭ مالىمەتىنە سۇيەنسەك، 9 ۇيىم نەمەسە i,3 ى سىناقتان وتكەن جوق. ايتا كەتەرلىگى، ونىڭ بارلىعى - جەكە بالاباقشا.
- مامىر ايىنان باستاپ ءبىلىم بەرۋ ۇيىمدارىن مەملەكەتتىك اتتەستاتتاۋ جاڭا فورماتتا ءجۇردى. ول 22 بالاباقشانى قامتىدى. 13 ىنە انىقتالعان كەمشىلىكتەردى 3 اي ىشىندە زاڭناما تالاپتارىنا سايكەستەندىرۋ مىندەتى جۇكتەلدى، - دەدى دەپارتامەنت باسشىسى ءمادي بەكماعانبەتوۆ.
جىل باسىندا قىزىلوردا وبلىسىندا 32 جەكە مەكتەپ بار بولاتىن. ارادا جارتى جىل وتپەي جاتىپ سونىڭ تەڭ جارتىسى جابىلدى.
- قاڭتار- اقپان ايلارىندا 4 ى ءوز ءوتىنىشى نەگىزىندە قۇرىلتايشىنىڭ شەشىمىمەن جۇمىسىن توقتاتتى. ليتسەنزياسى بار، ءبىراق ءبىلىم بەرۋ قىزمەتىن توقتاتقان جەكە مەكتەپتەر سانى - 12. بۇگىنگى كۇنى 16 جەكە مەكتەپ ءبىلىم بەرۋ قىزمەتىن كورسەتىپ كەلەدى، - دەدى دەپارتامەنت باسشىسى.
وسى ۋاقىت ىشىندە جەكە ازاماتتاردىڭ جولدانىمى بويىنشا جوسپاردان تىس 13 تەكسەرۋ جۇرگىزىلدى.
- مۇنداي تەكسەرۋگە جەكە مەكتەپتەردە مۇعالىمدەردى ارتىق جۇمىسقا تارتۋ، كەيبىر كونكۋرستىق قۇجاتتاردىڭ دۇرىس راسىمدەلمەۋى، كونكۋرسقا تۇسكەن كانديداتتاردىڭ ناتيجەگە قاناعاتتانباۋى سەبەپ. بالاباقشالاردا بالالارعا زيان كەلۋ جاعدايلارى بويىنشا اتا-انالار شاعىمدانادى. تەكسەرۋ ناتيجەسىندە 30 اكىمشىلىك ءىس قوزعالىپ، تەكسەرۋ قورىتىندىسىمەن لاۋازىم يەلەرى اكىمشىلىك جاۋاپكەرشىلىككە تارتىلدى، - دەدى ءمادي بەكماعانبەتوۆ.