قىزىلشاعا قارسى ەكپە العان بالا اۋىرا ما؟

قازاقستاندا قىزىلشا اۋرۋى ءورشىپ جاتىر. قىزىلشا جۇقتىرعانداردىڭ كوپشىلىگى - بالالار. سونداي- اق ولاردىڭ %70 ى ەكپە الماعان بالالار ەكەن. الايدا قىزىلشاعا قارسى ەكپە العان بالالار دا اۋىرىپ جاتىر. وسى ورايدا، «سوندا ءبىز ەكپەنى نە ءۇشىن الدىق» دەيتىن اتا-انالار دا بار. بۇل سۇراققا «ايناline» باعدارلاماسىنا بالالار دارىگەرى عاليا باتىرجان قىزى جاۋاپ بەردى.

قىزىلشا - جوعارى دەنە تەمپەراتۋراسىمەن، كاتارالدى بەلگىلەرمەن جانە بورتپەمەن جۇرەتىن ءجىتى ۆيرۋستىق اۋرۋ. ول اسقىنسا، كىشكەنتاي ناۋقاستاردىڭ دەنساۋلىعى مەن ومىرىنە قاۋىپ توندىرەتىن اۋىر جاعدايلارعا اكەلۋى مۇمكىن. قىزىلشا ۆيرۋسى ادامنان ادامعا اۋا- تامشىلى جولمەن جۇعادى. ول مۇرىن، كوز جانە تاماق شىرىشتىسىنا ءتۇسىپ، سودان سوڭ جۇقپا قانعا ەنىپ، بۇكىل اعزا بويىمەن تارالادى.

عاليا باتىرجان قىزىنىڭ ەكپە العان بالالاردا قىزىلشا اۋرۋى جەڭىل وتەتىنىن ايتتى.

«كوبىسى تۇسىنبەي جاتادى. ەكپە العان بالالاردا بۇل اۋرۋ جەڭىل جانە اسقىنۋلارسىز وتەدى، ياعني ولىمگە الىپ كەلمەيدى. ال ەكپە الماي اۋىرعان بالالاردا 1-5 جىل ورتاسىندا قىزىلشا پانەنسەفاليت دەگەن بولادى: ميدىڭ ءاربىر قابىقشالارىنىڭ قىبىنىپ، بالانى مۇگەدەكتىككە الىپ كەلەدى. بالانى ميلىق سالدانۋعا (د س پ) دا اكەلۋى مۇمكىن. سودان سوڭ قىزىلشامەن اۋىرعان كەزدە بالالاردا � اسقىنۋلار بولادى. ول نە؟ وكپە تىنىس الۋ جولدارىنىڭ ءاردايىم قابىنۋى، مىسالى، بالا 4-5 جىل سولاي اۋىرادى. ونىڭ ەڭ اۋىر ءتۇرى ولىمگە الىپ كەلەدى»، - دەپ ءتۇسىندىردى بالالار دارىگەرى.

قىزىلشادان قورعانۋدىڭ جالعىز ءتيىمدى جولى - «ۇلتتىق ەكپە كۇنتىزبەسىنە» ەنگىزىلگەن ۆاكسيناتسيا الۋ. ول اۋا-تامشىلى جولمەن جۇعاتىن بولعاندىقتان، كونتاگيوزدىعى وتە جوعارى. ەلىمىزدە قىزىلشاعا قارسى ەكپە بالاعا «ۇلتتىق ەكپە كۇنتىزبەسى» بويىنشا 1 جاسىندا جانە رەۆاكتسيناتسيا 6 جاسىندا سالىنادى. قىزىلشاعا قارسى ەكپە كومبينيرلەنگەن قۇرامىندا ەپيدەميالىق پاروتيتكە جانە قىزامىققا قارسى سالىنادى. ال قىزىلشامەن بايلانىس بولعان جاعدايدا قارىم- قاتىناستا بولعاندارعا 72 ساعات ىشىندە ۆاكتسينا سالىنۋى ءتيىس.

Massaget.kz