ت ا س س اگەنتتىگىنىڭ حابارلاۋىنشا، نيۋ-يورك بيلىگى قىزىلشاعا قارسى ۆاكتسينا سالاتىن جانە ءتيىستى مەديتسينالىق تالداۋلار جۇرگىزەتىن قوسىمشا مەديتسينا قىزمەتكەرلەرىن جۇمىسقا تارتۋدى جوسپارلاپ وتىر. 2026-جىلى شتاتتا قىزىلشانىڭ 108 جاعدايى انىقتالعان، ونىڭ جەتەۋى نيۋ-يورك قالاسىندا تىركەلگەن. شىلدە ايىنىڭ ورتاسىنان بەرى شتات بيلىگى اۋىلدىق اۋدانداردا 1 مىڭنان استام ۆاكتسينا دوزاسىن قولدانعان.
- گۋبەرناتور كەتي حوكۋل 5-قازاندا شتاتتىڭ اۋىلدىق اۋداندارىندا، سونداي-اق كورشىلەس شتاتتاردا قىزىلشا جۇقتىرۋ جاعدايلارىنىڭ كوبەيۋىنە بايلانىستى توتەنشە جاعداي ەنگىزۋ تۋرالى جارلىققا قول قويدى،- دەلىنگەن گۋبەرناتوردىڭ سايتىنداعى حابارلامادا.
ا ق ش-تا قىزىلشا جۇقتىرۋ جاعدايلارى سوڭعى 35 جىلداعى ەڭ جوعارى دەڭگەيگە جەتتى. دجونس حوپكينس ۋنيۆەرسيتەتىنىڭ سوڭعى دەرەگىنە سايكەس، جىل باسىنان بەرى ەلدە 4020 جاعداي تىركەلگەن. دارىگەرلەر اۋرۋدىڭ ورشۋىنە حالىق اراسىندا ۆاكتسيناتسيا دەڭگەيىنىڭ تومەندەۋىن سەبەپ رەتىندە اتاپ وتىر.
ايتا كەتەيىك، بانگلادەشتە قىزىلشا ىندەتى ءورشىپ، مىڭعا جۋىق بالا قايتىس بولدى.