استانا. KAZINFORM - ءماجىلىس كۋلۋارىندا ق ر قورعانىس ءمينيسترىنىڭ تاربيە جانە يدەولوگيالىق جۇمىستار جونىندەگى ورىنباسارى اسقار مۇستابەكوۆ ايەلدەردى اسكەرگە الۋ تۋرالى جۋرناليستەر سۇراعىنا جاۋاپ بەردى.
الدىمەن ول قازىر قىزداردىڭ ءوز ەركىمەن اسكەرگە بارۋى جونىندە پىكىر ءبىلدىردى.
- ۇسىنىستار بار. قىزدار تىركەلىپ جاتىر، - دەدى اسقار مۇستابەكوۆ.
جۋرناليستەر «گەوساياسي جاعداي ۋشىققان جاعدايدا يزرايلدەگىدەي قىز-كەلىنشەكتەرگە دە مىندەتتى اسكەري قىزمەتكە شاقىرۋ جىبەرىلە مە؟» - دەپ سۇرادى.
- بىزدە ونداي جوق، جوسپاردا دا جوق، - دەپ جاۋاپ بەردى قورعانىس ءمينيسترىنىڭ ورىنباسارى.
ايتا كەتەيىك، بۇعان دەيىن قورعانىس مينيسترلىگى اسكەردە ناماز وقۋعا قاتىستى مالىمدەمە جاساعانىن جازعانبىز.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан