«قىز زورلادى»: جانقوش تۇراروۆقا قاتىستى قىلمىستىق ءىس توقتاتىلدى

الماتى. KAZINFORM - «قىز زورلادى» دەپ ايىپتالعان بوكسشى جانقوش تۇراروۆقا قاتىستى قىلمىستىق ءىس توقتاتىلدى. بۇل تۋرالى الماتى قالالىق پوليتسيا دەپارتامەنتى مالىمدەدى.

اۋەزوۆ اۋداندىق پوليتسيا باسقارماسى بوكسشىعا قاتىستى قازاقستان رەسپۋبليكاسى قىلمىستىق كودەكسىنىڭ 120-بابى 1-تارماعى بويىنشا قىلمىستىق ءىستى تەرگەدى.

«ءىس جۇرگىزۋ اياسىندا سوت- مەديتسينالىق جانە سوت- بيولوگيالىق ساراپتاما جۇرگىزىلىپ، قورىتىندىسى بويىنشا زورلاۋ دەرەگى راستالمادى. 2024 -جىلعى 20-قازاندا قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 35-بابى 1-بولىگىنىڭ 2-تارماعى نەگىزىندە سوتقا دەيىنگى تەرگەۋدى توقتاتۋ تۋرالى تۇپكىلىكتى شەشىم قابىلداندى. اۋەزوۆ اۋداندىق پروكۋراتۋراسى بۇل شەشىممەن كەلىستى»، - دەپ حابارلادى ۆەدومستۆودان.

قازاقستان رەسپۋبليكاسى قىلمىستىق-پروتسەسسۋالدىق كودەكسىنىڭ 201-بابىنىڭ تالاپتارىنا سايكەس سوتقا دەيىنگى تەرگەۋدىڭ باسقا دەرەكتەرى جاريا ەتۋگە جاتپايدى.

ەسكە سالايىق، وسى جىلدىڭ تامىزىندا قازاقستاندىق بوكسشىعا قىز زورلادى دەگەن ايىپ تاعىلىپ، قىلمىستىق ءىس قوزعالعان بولاتىن.

ايتا كەتەيىك، 33 جاستاعى جانقوش تۇراروۆ - كاسىبي بوكسشى. 2023 -جىلدىڭ 21 -ناۋرىزىنان باستاپ جارتىلاي ورتا سالماقتاعى IBO بوكستان الەم چەمپيونى.