استانا. KAZINFORM - قىتايدىڭ وڭتۇستىگىندەگى گۋاڭشي-جۋاڭزۋ اۆتونوميالىق اۋدانىندا «مايساك» تايفۋنىنان بولعان سۋ تاسقىنىنان كەم دەگەندە 159 ادام قازا تاۋىپ، تاعى 10 ادام ءىز-ءتۇزسىز جوعالىپ كەتتى، دەپ حابارلايدى اگەنتتىكتىڭ بەيجىڭدەگى ءتىلشىسى شينحۋا اگەنتتىگىنە سىلتەمە جاساپ.
اپات ايماقتىڭ 16 ۋەزىندەگى 1,65 ميلليوننان اسا تۇرعىنعا اسەر ەتتى.
ناننيڭ بيلىگى 6-12 اي ىشىندە قالا ينفراقۇرىلىمى مەن قالىپتى ءومىر جاعدايىن قالپىنا كەلتىرۋدى جوسپارلاپ وتىر. گۋيگاندا تۇرعىن ۇيلەردى جوندەۋ، ءوندىرىستى قايتا جانداندىرۋ جانە سۋ قويمالارىن نىعايتۋ باسىمدىققا يە.
شىلدە ايىنىڭ باسىندا تايفۋن ايماققا ۇزاققا سوزىلعان نوسەر جاۋىن اكەلىپ، ليۋلان جانە يۋنبياۋ سۋ قويمالارىنىڭ بوگەتتەرى بۇزىلدى. سونىڭ سالدارىنان اۋقىمدى اپات بولدى.
بۇعان دەيىن قىتايدا «دولفين» تايفۋنىنا بايلانىستى ءجۇز مىڭداعان ادام ەۆاكۋاتسيالانعانى حابارلاندى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан