استانا. KAZINFORM - دۇيسەنبى كۇنى تاڭەرتەڭ قىتايدىڭ وڭتۇستىگىندەگى گۋاڭشي-چجۋان اۆتونوميالىق اۋدانىنداعى ليۋجوۋ قالاسىندا 5,2 بالدىق جەر سىلكىنىسى بولدى، دەپ حابارلايدى CGTN.
ەكى ادامنىڭ قازا تاپقانى راستالدى، ال ءبىر ادام ءىز-ءتۇزسىز جوعالىپ كەتتى.
7000 نان استام تۇرعىن قاۋىپسىز جەرگە كوشىرىلدى.
جەرگىلىكتى بيلىك 13 عيماراتتىڭ قۇلاعانىن حابارلايدى.
ىزدەۋ-قۇتقارۋ جۇمىستارى جالعاسىپ جاتىر، بيلىك كولىك قوزعالىسى قيىنداۋى مۇمكىن ەكەنىن ەسكەرتەدى.
ايتا كەتەيىك، 16-مامىردا قىرعىزستان مەن قىتاي شەكاراسىندا 4,8 بالدىق جەر سىلكىنىسى بولدى.
سونداي-اق، سەيسمولوگتار 15-مامىر تۇنىندە قىتايدا 4,5 بالدىق جەر سىلكىنىسىن تىركەگەنىن حابارلادىق.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.