فوتو: freepik
رەسمي مالىمەتكە سايكەس، ءساۋىر ايىندا قىتايدىڭ تاۋار يمپورتى مەن ەكسپورتىنىڭ جالپى كولەمى 4,38 تريلليون يۋانعا (شامامەن 639,4 ميلليارد ا ق ش دوللارى) جەتكەن. ونىڭ ىشىندە ەكسپورت 9,8 پايىز عا ءوسىپ، 2,48 تريلليون يۋاندى قۇراسا، يمپورت 20,6 پايىز عا ارتىپ، 1,9 تريلليون يۋانعا جەتكەن.
2026 -جىلدىڭ العاشقى ءتورت ايىندا قىتايدىڭ جالپى سىرتقى ساۋدا كولەمى 16,23 تريلليون يۋان بولىپ، جىلدىق ەسەپتە 14,9 پايىز عا وسكەن.
قىتاي كەدەن ستاتيستيكا جانە تالداۋ دەپارتامەنتىنىڭ باسشىسى ليۋي دالياننىڭ ايتۋىنشا، ءساۋىر ايىنداعى ءوسىم سىرتقى ساۋدانىڭ تۇراقتىلىعى مەن جوعارى سەرپىنىن كورسەتەدى. ونىڭ سوزىنشە، بۇل ناتيجەلەر مەملەكەتتىك ۇيلەستىرىلگەن ساياسات پەن وڭىرلەر مەن ۆەدومستۆولاردىڭ بىرلەسكەن جۇمىسىنىڭ ناتيجەسى.
ەكسپورت پەن جوعارى تەحنولوگيالىق ونىمدەر ءوسىمى
العاشقى ءتورت ايدا قىتايدىڭ نەگىزگى ەكسپورتتىق باعىتى بولىپ سانالاتىن ەلەكترومەحانيكالىق ونىمدەر ەكسپورتى 17,6 پايىز عا ءوسىپ، 5,92 تريلليون يۋانعا جەتتى. بۇل ونىمدەردىڭ جالپى ەكسپورتتاعى ۇلەسى 63,5 پايىز دى قۇراعان.
سونىمەن قاتار «جاسىل» جانە تومەن كومىرتەكتى ونىمدەردىڭ ەكسپورتى دا ايتارلىقتاي ارتقان:
ەلەكتروموبيلدەر - 68,1 پايىز
ليتيي اككۋمۋلياتورلارى - 43,2 پايىز
جەل تۋربينالارى - 40,7 پايىز
نارىق قۇرىلىمى جانە نەگىزگى سەرىكتەستەر
ەلدە ساۋدا قۇرىلىمىن ءارتاراپتاندىرۋ جالعاسىپ جاتىر. وڭتۇستىك- شىعىس ازيا مەملەكەتتەرىنىڭ قاۋىمداستىعى قىتايدىڭ ەڭ ءىرى ساۋدا سەرىكتەسى بولىپ قالىپ وتىر. ونىمەن ساۋدا اينالىمى 15,7 پايىز عا وسكەن.
ەۋروپالىق وداق ەلدەرىمەن ساۋدا 13,2 پايىز عا ارتقان.
«ءبىر بەلدەۋ، ءبىر جول» باستاماسىنا قاتىسۋشى ەلدەرمەن ساۋدا كولەمى 13,5 پايىز عا ءوسىپ، ا ق ش- پەن ساۋداداعى تومەندەۋدى ءىشىنارا وتەگەن.
افريكا ەلدەرىمەن ساۋدا اينالىمى 19,4 پايىز عا ءوسىپ، العاش رەت 800 ميلليارد يۋاننان اسقان. 1-مامىردان باستاپ قىتاي 53 افريكالىق ەل ءۇشىن نولدىك كەدەندىك تاريف رەجيمىن ەنگىزگەن.
قىتاي ۇكىمەتى ساۋدانى دامىتۋ ءۇشىن كەدەندىك تاريفتەردى تومەندەتۋ، سونداي-اق China International Import Expo سياقتى حالىقارالىق كورمەلەر ارقىلى اشىق ەكونوميكالىق ساياساتتى كۇشەيتىپ كەلەدى.
بۇعان دەيىن بەيجىڭ ۆاشينگتوننىڭ قىتاي مۇناي كومپانيالارىنا سالعان سانكسياسىنا قارسى شىققانىن جازعان ەدىك.