استانا. KAZINFORM - سەيسەنبى كۇنى قىتايدىڭ «چانە-6» زوندى جەرگە قوندى، ول ايدىڭ ارعى جاعىنان جينالعان توپىراقتى جەتكىزدى. بۇل تۋرالى قىتايدىڭ ۇلتتىق عارىش باسقارماسى حابارلادى.
ونىڭ دەرەكتەرى بويىنشا، «چانە-6» زوندىنىڭ قايتارىلمالى مودۋلى سەيسەنبى كۇنى قىتاي حالىق رەسپۋبليكاسىنىڭ ىشكى موڭعوليا اۆتونوميالىق اۋدانىنداعى بەلگىلى ءبىر اۋماققا قوندى، ميسسيا ءساتتى دەپ تانىلدى.
وربيتالىق، قونۋ، كوتەرىلۋ جانە قايتارىلمالى مودۋلدەردەن تۇراتىن زوند 3-مامىردا ۇشىرىلدى.
«چانە-6» زوندى ماۋسىم ايىنىڭ باسىندا ايدىڭ ارعى جاعىنا قونىپ، توپىراق جيناپ، سودان كەيىن ۇلگىلەردى قايتارىلمالى اپپاراتقا جەتكىزدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.