سياو تيانلە ستۋدەنتتەر جاتاقحاناسىنداعى ءبىر كومپيۋتەردەن باستاعان ءىسىن ج ي كومەگىمەن قىسقامەتراجدى سەريالدار شىعاراتىن جوباعا اينالدىرىپ، جۇزدەگەن تۋىندى ازىرلەدى. كومانداسىنىڭ ەڭ تابىستى سەريالى 1,5 ميلليارد قارالىم جيناپ، 2 ميلليون يۋاننان استام تابىس اكەلدى.
سياونىڭ سوزىنشە، ج ي الگوريتمدەرى كۇندەلىكتى قايتالاناتىن جۇمىستاردى اتقارۋعا، سۋرەت پەن دىبىس جاساۋعا جانە باستاپقى ماتىندەردى ازىرلەۋگە كومەكتەسەدى. ال سوڭعى مونتاج، وقيعانىڭ باياندالۋ ىرعاعىن ۇيلەستىرۋ جانە ج ي جاساعان ولقىلىقتاردى تۇزەتۋ ادام قولىندا قالادى.
- ج ي كۇندەلىكتى قايتالاناتىن كوپتەگەن جۇمىستى جەڭىلدەتەدى، ءبىراق وقيعانى باياندايتىن ادامنىڭ ورنىن باسا المايدى، - دەدى ول.
ستۋدەنت ۋنيۆەرسيتەتتى ءتامامداعاننان كەيىن رەجيسسۋرا مەن دراماتۋرگيا بويىنشا ءبىلىمىن جالعاستىرىپ، قىسقامەتراجدى كونتەنتتەن تولىقمەتراجدى كينو تۇسىرۋگە كوشۋدى جانە ۇلتتىق پروكات كۋالىگىن الۋدى كوزدەپ وتىر.
سياونىڭ تابىسى قىتايدا ج ي كومەگىمەن تۇسىرىلەتىن شاعىن سەريالدار نارىعىنىڭ قارقىندى دامىپ جاتقانىن كورسەتەدى. DataEye ساراپتامالىق كومپانياسىنىڭ مالىمەتىنشە، 2026-جىلى بۇل نارىقتىڭ كولەمى 40 ميلليارد يۋانعا (6 ميلليارد دوللار) جەتىپ، كورەرمەندەر سانى 600 ميلليوننان اسقان.
بۇعان دەيىن قىتايدا ج ي كومەگىمەن تۇسىرىلگەن العاشقى تولىقمەتراجدى فيلم كورەرمەن جيناي الماعانىن حابارلاعان بولاتىنبىز.