قىتايلىق روبوت جۇگىرۋ جىلدامدىعى بويىنشا الەمدىك رەكورد جاڭارتتى

قىتايدىڭ Unitree Robotics كومپانياسى ازىرلەگەن Superman اتتى گۋمانويد- روبوت سەكۋندىنا 12,66 مەتر جىلدامدىقپەن جۇگىرگەن. بۇل كورسەتكىش اتاقتى يامايكالىق سپرينتەر ۋسەين بولتتىڭ 2009-جىلى 100 مەترگە جۇگىرۋدەگى الەمدىك رەكوردتىق جارىسى كەزىندە تىركەلگەن ەڭ جوعارى جىلدامدىعىنان اسىپ ءتۇستى. بولتتىڭ سول كەزدەگى ماكسيمالدى جىلدامدىعى سەكۋندىنا شامامەن 10,44 مەتر بولعان. كومپانيا بۇل جەتىستىك تۋرالى X الەۋمەتتىك جەلىسىندە مالىمدەدى. سىناق بارىسىندا روبوت ورنىنان تۇرىپ، ەكى مەتر بيىكتىككە سەكىرگەن. ازىرلەۋشىلەردىڭ ايتۋىنشا، Superman روبوتى نەبارى ءۇش ايدا جاسالعان. كومپانيا ماماندارى روبوتتىڭ قوزعالىس مۇمكىندىكتەرى الداعى ۋاقىتتا ودان ءارى جەتىلدىرىلەدى دەپ وتىر.

https://24.kz