قىتايلىق قازاق بوكسشىسى توقتاربەك تاڭاتقان وليمپيادادا جەڭىلىپ قالدى
17:07, 30 - شىلدە 2024
پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا بوكستان سىنعا تۇسكەن قىتايلىق قانداسىمىز توقتاربەك تاڭاتقان قارسىلاسىنان ۇتىلىپ قالدى.
ول 1/16 فينالدا دومينيكالىق بوكسشى كريستيان پينالەسپەن جۇدىرىقتاسىپ، 5:0 ەسەبىمەن قارسىلاسىنا ەسە جىبەردى. ءۇش راۋند قورىتىندىسى بويىنشا تورەشىلەر كريستيان پينالەستى جەڭىمپاز دەپ تاپتى.
ايتا كەتسەك، قىتايداعى قازاق بوكسشىسىنىڭ سالماعىندا قازاقستان نامىسىن نۇربەك ورالباي قورعايدى.
وسىعان دەيىن كوپتەگەن جانكۇيەرلەر ەكى قازاق بوكسشىسى پاريج وليمپياداسىندا جولى ءتۇيىسۋى مۇمكىن دەپ توپشىلاعان بولاتىن. بۇل توقتاربەكتىڭ سپورتتىق ءمانسابىنداعى ەكىنشى وليمپياداسى. ول وسىعان دەيىن توكيو تورىندە دە سىنعا تۇسكەن ەدى.
اۆتور
كۇنسۇلتان وتارباي