قىتايلىق مەيرامحانانىڭ بىرىندە قازاننان ىتىپ شىققان شايان قىزعا شابۋىل جاسادى

استانا. قازاقپارات - قىتايلىق مەيرامحانانىڭ بىرىندە وقىس وقيعا ورىن الدى. مەيرامحاناعا كەلۋشىنىڭ ءبىرىن شايان شاقتى.

BILD جازۋىنشا، تەڭىز جورعالاۋشىلارى مەيرامحانا قوناعىنا ءتىرى كۇيدە ۇسىنىلعان. قىز ونى ءوزى قايناعان سۋعا تاستاپ، ءپىسىرىپ جەۋى ءتيىس ەدى. الايدا، تىنىق مۇحيتى شايانىن (oratosquilla oratoria) تاياقشالارىمەن ۇستاعان كەزدە، شايان ىتىپ شىعىپ، قىزدىڭ بىلەگىنە جابىسىپ، شاعىپ الادى.

داياشىلار تەڭىز جورعالاۋشىسىن قىزدىڭ قولىنان جۇلىپ الۋعا تىرىسقان. شاياننىڭ قىزدىڭ قولىنا مىقتاپ جابىسقانى سونشا، ونى اجىراتۋ وڭايعا تۇسپەدى. قىز ايقايلاپ جىلاعان. قازىر ونىڭ ءحالى بەلگىسىز.