قىتايلىق كومپانيالاردىڭ 70 پايىزى الماتىدا جۇمىس ىستەيدى - قالا اكىمىنىڭ ورىنباسارى
الماتى. KAZINFORM - قازاقستاندا تىركەلگەن قىتايلىق كومپانيالاپردىڭ باسىم بولىگى الماتىدا جۇمىس ىستەيدى. بۇل تۋرالى مەگاپوليستە ءوتىپ جاتقان Qazaq Invest Forum-2025 فورۋمىندا قالا اكىمىنىڭ ورىنباسارى ولجاس سماعۇلوۆ ايتتى.
الماتىعا قازاقستاننىڭ جالپى ىشكى ءونىمىنىڭ 21 پايىزدان استامى جانە مەملەكەتتىك بيۋدجەتتىڭ 26 پايىزى تيەسىلى. 2019 -جىلدان بەرى قالا ەكونوميكاسى 75 پايىزعا ءوسىپ، 62 ميلليارد دوللارعا جەتتى. بىلتىر الماتىعا 8 ميلليارد دوللاردان استام شەتەلدىك ينۆەستيتسيا تارتىلدى.
- وسىنداي جاعدايدا ءبىزدىڭ قالا قىتايلىق سەرىكتەستەر ءۇشىن ينۆەستيتسيانىڭ نەگىزگى ارناسىنا اينالۋعا دايىن. ەكى ەلدىڭ باسشىلىعى اراسىنداعى ۇلگىلى قارىم-قاتىناس پەن قالا اكىمدىگىنىڭ جان-جاقتى قولداۋى ۇزاق مەرزىمدى ىنتىماقتاستىقتىڭ بەرىك نەگىزى. قازىر قازاقستاندا تىركەلگەن قىتايلىق كومپانيالاردىڭ p عا جۋىعى الماتىدا تابىستى جۇمىس ىستەيدى. قالا ساۋداسىنىڭ ۇشتەن ءبىر بولىگى قىتايمەن بايلانىستى جانە بۇل كورسەتكىش 8 ميلليارد دوللارىنان استى. ءبىز بارلىق باعىت بويىنشا ىنتىماقتاستىقتى كەڭەيتۋگە زور الەۋەت بار ەكەنىن كورىپ وتىرمىز، - دەدى ول.
اكىم ورىنباسارىنىڭ ايتۋىنشا، ءقازىر الماتىدا قىتايلىق وندىرۋشىلەر Chery ،BYD ،Haval سەكىلدى اۆتوكولىكتەر شىعاراتىن مۋلتيبرەندتى زاۋىت سالىنىپ جاتىر. قۇرىلىس 2026 -جىلى اياقتالادى.
الماتى ەلىمىزدىڭ تۋريستىك استاناسى رەتىندە دە دامىپ كەلەدى - 2025 -جىلى قالاعا 750 مىڭنان استام شەتەلدىك تۋريست كەلەدى دەپ جوسپارلانىپ وتىر.
تاۋ كلاستەرىن دامىتۋ اياسىندا 50 دەن استام جاڭا قوناق ءۇيدىڭ قۇرىلىسى ءجۇرىپ جاتىر. ونىڭ ىشىندە بەس جۇلدىزدى قوناق ۇيلەر دە بار.
قالا اكىمىنىڭ ورىنباسارى قىتايلىق ينۆەستورلاردى جوباعا قوسىلۋعا شاقىردى.
ولجاس سماعۇلوۆ لوگيستيكا، تسيفرلاندىرۋ جانە فينتەح سالالارىنداعى مۇمكىندىكتەردى اتاپ ءوتتى.
وسىعان دەيىن 2 جىلدىڭ ىشىندە قازاقستان مەن قىتاي اراسىندا 90 نان استام كەلىسىم، مەموراندۋم جانە كوممەرتسيالىق قۇجات راسىمدەلگەنى تۋرالى جازعانبىز.