قىتايلىق عالىمدار بۇزاۋدى ءساتتى كلوندادى

استانا. KAZINFORM - قىتايدىڭ وڭتۇستىك- باتىسىنداعى ياك ءوسىرۋ بازاسىندا 10-شىلدە كۇنى كەسار تىلىگى ارقىلى كلوندالعان ياك دۇنيەگە كەلدى، دەپ حابارلايدى بەلتا.

زەرتتەۋشىلەردىڭ ايتۋىنشا، جاڭا تۋعان بۇزاۋدىڭ سالماعى 33,5 ك گ بولعان - بۇل ادەتتەگى ياك تولدەرىنىڭ سالماعىنان جوعارى. 11-شىلدە كۇنى «شينحۋا» اقپارات اگەنتتىگىنىڭ تىلشىلەرى بۇزاۋدى كورىپ، ونىڭ تولىقتاي ءجۇرىپ كەتكەنىن جانە دەنساۋلىعى جاقسى ەكەنىن راستادى.

جوبا 2023 -جىلدىڭ شىلدەسىندە جىجياڭ ۋنيۆەرسيتەتىنىڭ زەرتتەۋ توبى، دامسۋن ۋەزى اكىمدىگى جانە تيبەت اۆتونوميالىق اۋدانى پلاتو بيولوگيا ينستيتۋتىنىڭ بىرلەسكەن باستاماسىمەن ىسكە قوسىلعان.

عالىمدار ياكتى كلونداۋ ءۇشىن تولىق گەنومدىق سۇرىپتاۋ جانە سوماتيكالىق جاسۋشالاردى كلونداۋ تەحنولوگيالارىن قولداندى.

زەرتتەۋ توبىن باسقارعان جىجياڭ ۋنيۆەرسيتەتىنىڭ پروفەسسورى فان شەنگونىڭ ايتۋىنشا، بۇل كلونداۋ تەحنولوگياسى ياك تۇقىمىن جەتىلدىرۋگە جانە تيبەت ايماعىندا تاۋلى ءىرى قارا مالىن ءوسىرۋ جۇيەسىن دامىتۋعا ماڭىزدى ءرول اتقارادى.

ايتا كەتەلىك  ياك - جۇپ تۇياقتى سۇتقورەكتىلەر تۇقىمداسىنىڭ ناعىز سيىرلار تۇقىمداسى.