قىتايلىق عالىمدار ارالدى كوگالداندىرادى

استانا. KAZINFORM - بىرەر جىلدا اڭقاسى كەپكەن ارالدىڭ قۇم دالاسى جاسىل-جەلەككە اينالۋى مۇمكىن، دەپ حابارلايدى 24kz.

بۇل ىسكە قىتايلىق عالىمداردىڭ كوگالداندىرۋعا ارنالعان ونەرتابىسى كومەكتەسپەك. جاڭا تەحنولوگيا الەمنىڭ ەكى جەرىندە سىناقتان ءساتتى ءوتىپ، ءتيىمدىلى دالەلدەنگەن.

كەلەسى كەزەك - قىزىلوردا وبلىسىنىڭ اۋماعىندا. بۇگىن ۇلتتىق بيوتەحنولوگيا ورتالىعىندا سالا جەتەكشىلەرى مەن قىتاي مەملەكەتىنىڭ قازاقستانداعى ەلشىسى كەزدەسىپ، ماسەلەنى جان- جاقتى تالقىلادى. پيلوتتىق جوبا كەلەر جىلى كوكتەمدە باستالادى. سونداي-اق ەكى تاراپ جاڭادان اشىلعان گەنەتيكالىق زەرتحانانىڭ جۇمىسىمەن تانىستى. مۇندا دا قوس ەل عالىمدارىنىڭ مەديتسينا سالاسىنداعى جەتىستىكتەرى تەرەڭ زەرتتەلىپ، ءتۇرلى اۋرۋلاردى دياگنوستيكالاۋدىڭ يننوۆاتسيالىق ادىستەرى ازىرلەنەدى.

عابيدوللا وسپانقۇلوۆ، ق ر سىرتقى ىستەر مينيسترلىگى ينۆەستيتسيا كوميتەتىنىڭ ءتوراعاسى:

- وتكەن جولى قىزىلورداعا بارىپ، جاڭاعى پيلوتتتىق جۇزەگە اساتىن جەردىڭ پوچۆاسىن الدى. ولار ايتىپ وتىر، بۇعان دەيىنگى جەردەن وزگەشەلىك بار دەپ. ارينە، ءار جەردىڭ وزگەشەلىگى بولادى عوي. سوعان بايلانىستى رەاگەنتتى تاڭدايمىز دەدى. سوعان سايكەس كەلەتىن. كەلەسى جىلدىڭ ەرتە كوكتەمىنەن باستاپ كەتەمىز جۇمىستى. سونىڭ ناتيجەسىندە ىلعالدى ساقتاۋ، ميكروورگانيزم پايدا بولۋى، ءشوپتىڭ ءوسۋى ءبىراز ۋاقىت الادى. 1-2 -جىلدا ءبىر ناتيجە كورىنەدى.

جاڭ شياۋ، قىتايدىڭ قازاقستانداعى ەلشىسى:

- سالاداعى سەرىكتەستىك نىعايا بەرەدى. الداعى ۋاقىتقا جوسپارىمىز كوپ. سونىڭ ءبىرى - ماماندار دايارلاۋ. جاس عالىمدار مەن قىزمەتكەرلەر قىتايعا كەلىپ، بىلىكتىلگىن ارتتىرا الادى. ناقتى ۋاعدالاستىق بار، ولار ءبىزدىڭ ەلدەن تاعىلىمدامادان وتەدى.