قىتايلىق ب ا ق قاسىم-جومارت توقايەۆتىڭ بەيجىڭگە ساپارى تۋرالى نە جازدى

 Kazinform ءتىلشىسى قىتايدىڭ ءىرى بۇقارالىق اقپارات قۇرالدارى مەملەكەت باسشىسى قاسىم-جومارت توقايەۆتىڭ اتالعان ەلگە رەسمي ساپارى تۋرالى جازعان رەپورتاجدارىنا شولۋ ۇسىنادى. 

كazinform ءتىلشىسى قىتايدىڭ ءىرى بۇقارالىق اقپارات قۇرالدارى مەملەكەت باسشىسى قاسىم-جومارت توقايەۆتىڭ اتالعان ەلگە رەسمي ساپارى تۋرالى جازعان رەپورتاجدارىنا شولۋ ۇسىنادى.

«قىتايدى جاقسى بىلەتىن پرەزيدەنت» - ق ح ر ChinaNews اقپارات اگەنتتىگى

قازاقستان پرەزيدەنتى قىتايعا ەكى كۇندىك رەسمي ساپارمەن باردى جانە قىتايدا وتكەن جوعارى دەڭگەيدەگى «ءبىر بەلدەۋ، ءبىر جول» فورۋمىنا قاتىستى.

قىتايدىڭ مەملەكەتتىك اقپارات قۇرالدارىنىڭ ءبىرى سانالاتىن ChinaNews ءتىلشىسى ق ر پرەزيدەنتىنىڭ ساپارى تۋرالى تىكەلەي ەفيردەگى رەپورتاجى بارىسىندا قاسىم-جومارت توقايەۆتى «قىتاي حالقىنىڭ جاقسى دوسى» جانە «قىتايدى جاقسى بىلەتىن شەتەلدىك پرەزيدەنت» دەپ اتادى.

اتالعان ب ا ق ق. توقايەۆتىڭ قىتايدا ءبىلىم العانى، تۇرىپ كەلگەنى تۋرالى ايتا كەلە، قىتايدىڭ كوپتەگەن ءدامدى تاعامى قازاقستان پرەزيدەنتىنە زور اسەر قالدىرعانىن دا ەسكە الدى.

«بۇل - پرەزيدەنت توقايەۆتىڭ قىتايعا بيىلعى ەكىنشى رەت كەلۋى. قازاقستان باسشىسىنىڭ قىتايعا التىن كۇزدەگى وسى ساپارىنان ەكى جاقتى قارىم-قاتىناستىڭ دامۋى جاڭا كەزەڭگە اياق باسۋىن جانە «ءبىر بەلدەۋ، ءبىر جول» باستاماسىن قۇرۋداعى بىرلەسكەن كۇش-جىگەرىنە جاڭا سەرپىن بەرۋىن كۇتەمىز»، - دەپ اتاپ ءوتتى ChinaNews ءتىلشىسى.

شي جينپيڭنىڭ قازاقستان پرەزيدەنتىمەن ءبىرىنشى بولىپ كەزدەسۋىنىڭ تەرەڭ ءمانى بار - قىتاي CCTV ارناسى

قىتايدىڭ CCTV ارناسىنىڭ ءتىلشىسى ءوزىنىڭ بەينەرەپورتاجىندا بيىل «ءبىر بەلدەۋ، ءبىر جول» باستاماسىنا 10 جىل تولعانىن اتاپ ءوتتى.

«ءتوراعا شي جينپيڭ «ءبىر بەلدەۋ، ءبىر جول» Ⅲ فورۋمى قارساڭىندا ونداعان ەلدىڭ باسشىلارىمەن ەكىجاقتى كەلىسسوزدەر وتكىزۋدى جوسپارلاپ وتىر. بۇل كەلىسسوزدەردىڭ العاشقىسى قازاقستان پرەزيدەنتى توقايەۆپەن بولادى. ويتكەنى، «ءبىر بەلدەۋ، ءبىر جول» جوباسى باستاۋ العان جەر رەتىندە قازاقستاننىڭ قىتاي ءۇشىن ماڭىزى زور»، - دەدى ءتىلشى.

ب ا ق شي جينپيڭنىڭ 2013 -جىلى قازاقستان ەلورداسى استانادا سويلەگەن سوزىندە «جاڭا جىبەك جولىنىڭ ەكونوميكالىق بەلدەۋىن بىرلەسىپ قۇرۋ» باستاماسىن ۇسىنعانىن ەسكە سالدى.

قىتاي جۋرناليسى قازاقستان «ءبىر بەلدەۋ، ءبىر جول» جوباسى باستالعان جەر عانا ەمەس، سونىمەن قاتار بۇل ماڭىزدى حالىقارالىق باستامانىڭ جۇزەگە اسىرۋدىڭ ۇلگىلى قاتىسۋشىسى ەكەنىن اتاپ ءوتتى. بۇدان بولەك، جوبانى دامىتۋ ءۇشىن قىتايمەن كوپتەگەن بىرلەسكەن كۇش- جىگەر جۇمساپ جاتقانى ءمالىم ەتىلدى.

«قىتاي مەن قازاقستان جوعارى ساپالى بىرلەسكەن جۇمىس ارقىلى حالىقارالىق قاۋىمداستىققا ىنتىماقتاستىقتىڭ ۇلگىسىن كورسەتتى»، - دەدى ءتىلشى.

CCTV ارناسىنىڭ حابارلاۋىنشا، «ءبىر بەلدەۋ، ءبىر جول» باستاماسى ۇسىنىلعاننان كەيىن ءبىر جىل وتپەي جاتىپ، قىتاي مەن قازاقستان ليانيۋنگان لوگيستيكالىق ىنتىماقتاستىق ورتالىعىن قۇردى. بۇل «ءبىر بەلدەۋ، ءبىر جول» باستاماسى اياسىندا ءساتتى جۇزەگە اسىرىلعان العاشقى حالىقارالىق جوبا. جوبا دۇنيە جۇزىندەگى تەڭىزگە شىعا المايتىن ەڭ ءىرى مەملەكەت قازاقستاندى بايتاق تەڭىزبەن بايلانىستىرىپ، ورتالىق ازيا مەن الەم اراسىنداعى ەكونوميكالىق جانە ساۋدا بايلانىستارىن جاقىنداتا تۇسەدى.

CCTV تىلشىلەرى ۆيدەورەپورتاجدا قازاقستان مەن قىتايدىڭ ونجىلدىق بىرلەسكەن ىنتىماقتاستىعى ارقىلى ەۋروپا مەن ازيا ارقىلى تاسىمالداۋ باعىتىن قۇرىپ، حالىقارالىق لوگيستيكا جانە كولىك سالاسىنداعى ىنتىماقتاستىقتى جاڭا دەڭگەيگە كوتەرگەنىن ايتتى.

ءدال وسى سەبەپتى «ءبىر بەلدەۋ، ءبىر جول» Ⅲ فورۋمى قارساڭىندا ق ح ر ءتوراعاسى ءبىرىنشى بولىپ قازاقستان پرەزيدەنتىمەن كەزدەسۋدى ءجون كورگەنى اتاپ وتىلگەن.

شي جينپيڭ قازاقستان پرەزيدەنتىمەن كەزدەسىپ، بۇدان دا كوپ ناتيجەگە قول جەتكىزۋ ءۇشىن «ءبىر بەلدەۋ، ءبىر جول» بىرلەسكەن جۇمىسىن ىلگەرىلەتۋگە دايىن - قىتايدىڭ سينحۋا اقپارات اگەنتتىگى

ق ح ر ءتوراعاسى شي جينپيڭ 17-قازان كۇنى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆپەن كەزدەستى.

شي جينپيڭ «كونە دوسىمەن» قايتا كەزدەسۋگە قۋانىشتىمىن دەپ اتاپ كورسەتتى.

«ءبىر بەلدەۋ، ءبىر جول» Ⅲ حالىقارالىق ىنتىماقتاستىق سامميتىنە قاتىسۋ ءۇشىن قىتايعا قوش كەلدىڭىز. سالاۋاتتى، تۇراقتى جانە سەرپىندى قىتاي مەن قازاقستان قارىم-قاتىناسى ەكى ەلدىڭ دامۋى مەن جاندانۋىنا، سونداي- اق ايماقتىق بەيبىتشىلىك پەن تۇراقتىلىققا ىقپال ەتەدى. حالىقارالىق جاعداي قالاي وزگەرسە دە، قىتاي مەن قازاقستان وزدەرىنىڭ باستاپقى ۇمتىلىستارىن ۇستانىپ، ءبىر- بىرىنە كومەكتەسىپ، تاتۋ كورشىلىك پەن دوستىق ۇعىمىن ۇرپاقتان-ۇرپاققا جەتكىزىپ، ەكى ەل اراسىنداعى تۇراقتى جان- جاقتى ستراتەگيالىق ارىپتەستىكتىڭ دامۋىنا ۇزدىكسىز جاردەمدەسۋى كەرەك» - دەدى ول.

شي جينپيڭ بۇدان 10 جىل بۇرىن قازاقستاندا «جىبەك جولىنىڭ ەكونوميكالىق بەلدەۋىن» بىرلەسىپ قۇرۋ باستاماسىن العاش رەت ۇسىنعانىن باسا ايتتى.

ەكى جاق بۇدان دا كوپ ناتيجەگە قول جەتكىزىپ، ەكى حالىققا جاقسىراق يگىلىككە جەتۋ ءۇشىن «بەلدەۋ جانە جول» بىرلەسكەن قۇرىلىسىن ىلگەرىلەتۋ ءۇشىن ىنتىماقتاستىقتى نىعايتۋى كەرەك دەدى.

قىتايشا سويلەيتىن پرەزيدەنت ءوزىنىڭ الما-ماتەرىنە قايتىپ كەلدى - قىتايدىڭ «جەنمين جيباو» گازەتى

قىتايدىڭ «جەنمين جيباو» گازەتى پرەزيدەنت قاسىم- جومارت توقايەۆتىڭ بەيجىڭ ءتىل جانە مادەنيەت ۋنيۆەرسيتەتىنە ساپارىن «قىتايشا سويلەيتىن پرەزيدەنت ءوزىنىڭ الما- ماتەرىنە قايتىپ كەلدى» دەگەن تاقىرىپپەن جاريالادى.

«جەنمين جيباو» گازەتىنىڭ حابارلاۋىنشا، ق. توقايەۆ بەيجىڭ ءتىل جانە مادەنيەت ۋنيۆەرسيتەتىندە ءبىلىم الىپ، بەيجىڭدە سەگىز جىل جۇمىس ىستەگەن. قازاقستاننىڭ مەملەكەت باسشىسى قىتاي تىلىندە ەركىن سويلەي الادى.

قر پرەزيدەنتى بەيجىڭ ۋنيۆەرسيتەتىن ارالاۋ بارىسىندا اتالعان جوو- دا وقيتىن قازاقستاندىق ستۋدەنتتەرمەن كەزدەسكەنى دە جازىلدى.

تەگتەر:

قىتاي

مۇحتار مۇرات

اۆتور

مۇحتار مۇرات