قىتايلاردىڭ شەتەلدىكتەر تۇسىنبەيتىن 19 ادەتى
استانا. قازاقپارات. 1. قىتايلىقتار كوكونىس پەن جەمىس ساتىپ العاندا ارى-بەرى اقتارادى، قاربىز ساتىپ العاندا شەرتىپ دىبىسىن تىڭدايدى، ولار سوندا نەنى تىڭدايدى؟
2. تاڭعى استا ءتاتتى زاتتاردىڭ ورنىنا اششى دۇنيەلەر جەيدى.
3. سۋىق سۋ ءىشىپ ۇيرەنگەن باتىستىقتار، قىتايلار نەگە تاماقتانعاندا قايناق سۋ ىشەدى دەپ تاڭعالادى ەكەن.
4. قىتايلىقتار نەگە اككە جۇمىرتقا پىسىرىپ جەيدى؟ تاڭيۋاننىڭ ىشىنە بالدى قالاي كىرگىزەدى؟
5. بىرگە تاماقتانعان كىسىلەر نەگە اقشاسىن تولەۋ ءۇشىن تالاسادى؟ ودان دا ءار كىم وزىنىكىن تولەگەن ءجون ەمەس پە؟
6. اتا-انانىڭ كوزقاراسى بويىنشا ەڭ جاقسى بالا - تەك كورشىنىڭ بالاسى، سوندا ءوز بالاسىنىڭ ارتىقشىلىعىن بايقاماعانى ما؟
7. شەتەلدىك بالالار كىشكەنە كەزىندە دالادا وينايدى، جىعىلىپ-سۇرىنسە دە ۇلكەيگەندە دەنساۋلىعى مىقتى بولادى، ال قىتايلىق بالالار سىرقاتتانسا بولدى ءار تۇرلى ءدارىسىن دايىنداپ، وكىل استىرادى، ماسساج جاساتىپ لوڭقا قويدىرىپ، دەنەسىن كوگالا قويداي قىلادى، وسىنداي تۇسىنىكسىز جاعدايدى كورگەن كورشىلەرى ولاردى بالاسىن قورلادى دەپ، ساقشىعا مالىمدەپ وتىراتىن جاعىدايلار دا ءجيى كەزدەسەدى.
8. سىرتقا شىعاردا بالاسىنا «قالىڭ كيىن»، ال ۇيىقتار الدىندا «جەلدەتكىشتى ءسوندىر» دەپ ەسكەرتىپ جاتادى، سوندا ونىڭ بالاسى ىستىقتاعانىن نەمەسە توڭعانىن سەزبەي مە؟
9. تاماقتانۋ بارىسىندا بالاسىن تاماققا زورلايدى، سونىڭ كەسىرىنەن بالاسى سەمىرىپ كەتسە «ارىقتا» دەپ ماجبۇرلەيدى.
10. ەر جەتكەن سوڭ شەتەلدىك بالالار اكە-شەشەسىنىڭ جانىنان كوشىپ شىعادى، ال قىتايلىقتار قانشا جاسقا كەلسە دە اتا-اناسىمەن ءبىر ۇيدە توپىرلاپ تۇرعاندى ۇناتادى.
11. قىتايلىق بالالاردىڭ ساباقتان سوڭ ەشقانداي جەكە ۋاقىتى بولمايدى، ءار ءتۇرلى وقۋ كۋرستارىنا بارادى، ال دەمالىس كۇندەرىندە جەكە ۋاقىت اتىمەن جوق، سەنبى كۇنى قىتاي ءتىلىن ۇيرەنسە، جەكسەنبى كۇنى ءسوزسىز مۋزىكا ساباعى كۇتىپ تۇرادى.
12. اتا-اناسىنىڭ قۇرداستارىن «اعا، تاتە» دەپ شاقىرادى، ولاردىڭ قانداي قاندىق قاتىناسى بار؟ وسى سەبەپتى كوپ بالالار ۇلكەن ادامداردىڭ دا ەسىمى بار ەكەندىگىن بىلمەيدى.
13. قىتايلىق اتا-انالار بالالارى وقۋشى كەزدە ماحابباتتاسۋىنا قاتاڭ تيىم سالادى، ال جاسى كەپ وتىرىپ قالعاندا، بارلىق تۋىسىنان بالاسىنا جار بولاتىن ادام تانىستىرۋعا كومەك سۇرايدى.
14. مەكتەپ ءبىتىرۋ كەشىندە قىزىنىڭ ساباقتاسىنا «قىزىمدى ساعات 9 دان بۇرىن ۇيگە اكەپ قويماساڭ كورەسىڭ» دەپ مىڭ رەت ەسكەرتەدى.
15. ءوزى قانشا قينالسا دا بالاسىن اقشادان ەشقاشان تارىقتىرمايدى، بالاسى ەر جەتسە دە ولاردىڭ اقشاسىن تولەپ ۋنيۆەرسيتەتتە وقىتادى، ەش ۋاقىتتا جۇمىس ىستەۋگە رۇقسات بەرمەيدى، ءبىراق وعان «بالام، ءبىز سەنى جاقسى كورەمىز» دەپ ەشقاشان ايتپايدى.
16. قول تەلەفوننىڭ سىرتىن سۋلياۋمەن قاپتاپ قويادى.
17. باتىستىقتاردىڭ ۇيىندە قار تازالايتىن ءشوپ وراتىن ماشينا، شىرىن سىعاتىن ، نان يلەيتىن اپپارات تولىپ تۇرادى، ال قىتايلىقتاردىڭ ۇيىندە بۇل ماشينانىڭ ورىنا اياق شىلايتىن، ماسساج جاسايتىن، لوڭقا قوياتىن اپپاراتتى تولتىرىپ قويادى، ولاردى قالاي پايدالانادى سوندا؟
18. قىتايلىقتاردىڭ ۇيىندەگى ىدىس جۋۋ اپپاراتى ىدىس جۋۋ ءۇشىن ەمەس، قولمەن جۋىلعان شىنى-اياقتىڭ سۋىن سورعىتۋعا قولدانىلادى.
19. قىتايلىقتار رەستوران نەمەسە قوناق ۇيدەن تەگىن تاراق، ءتىس شوتكى ، سابىن سياقتى زاتتاردى الىپ كەتكەندى ۇناتادى، سوندا بۇل زاتتاردى وزدەرى ساتىپ الالماي ما؟
قامىيتبەك تۇردىبەك