قىتايلار شىلدەدە مۇز قالاشىق سالىپ جاتىر

 قىتايلار شىلىڭگىر شىلدەدە مۇزدان قالا سالىپ جاتىر، دەپ حابارلايدى 24kz. وسى ارقىلى الەم نازارىن اۋدارىپ كوپ ساياحاتشى تارتۋدى كوزدەپ وتىر.

 تۋريستىك جوبا كورشى ەلدىڭ سولتۇستىك-شىعىسىنداعى حاربين قالاسىندا جۇزەگە اسادى. Ice Snow World قالاشىعىنىڭ اۋماعى 23 مىڭ شارشى مەتر. ونى جاساۋعا 2000 مىڭ جۇمىسشى جۇمىلدىرىلدى. اراسىندا 200 كاسىبي ءمۇسىنشى بار. ولار 31 گرادۋس ىستىقتا مۇز بەن قاردان مىڭداعان ءمۇسىن ويىپ جاتىر. مۇز الەمى قىتاي ساۋلەت ستيلىندە سالىنادى. بارلىق ەلەمەنت وسى ەلدىڭ مادەنيەتى جانە تاريحىمەن ۇشتاستىرىلعان. بۇل تۋريستەردىڭ قىزىعۋشىلىعىن ارتتىرىپ وتىر. مۇز شاھاردى كورۋگە بيلەتتى الدىن الا ساتىپ الىپ جاتقاندار كوپ.

 24.kz