استانا. KAZINFORM - قىتايدىڭ وڭتۇستىك ايماقتارىنا جاقىنداپ كەلە جاتقان «ياگي» تايفۋنى سالدارىنان سۋ باسۋ قاۋپىنە بايلانىستى شۇعىل ارەكەت ەتۋ رەجيمى ەنگىزىلدى. بۇل تۋرالى ق ح ر سۋ تاسقىنى مەن قۇرعاقشىلىققا قارسى كۇرەس جونىندەگى مەملەكەتتىك شتابى حابارلادى.
قىتايدىڭ ۇلتتىق مەتەورولوگيالىق ورتالىعىنىڭ (ۇ م ك) بولجامىنشا، 6-قىركۇيەكتە «ياگي» تايفۋنى حاينان ارالى مەن گۋاڭدۋڭ پروۆينسياسىنىڭ (وڭتۇستىك قىتاي) جاعالاۋلارىنا جاقىندايدى.
ۇ م ك حابارلاۋىنشا، سارسەنبى، 4-قىركۇيەكتە وڭتۇستىك قىتاي تەڭىزىندە، فۋجيان مەن گۋاڭدۋڭ جاعالاۋىنداعى اۋدانداردا قاتتى جەل سوعادى. ۆەدومستۆو «سارى» دەڭگەيدەگى ەسكەرتۋ جاريالادى.
قىتايدا اۋا رايى تۋرالى ەسكەرتۋدىڭ ءتورت دەڭگەيلى جۇيەسى بار، قاۋىپتىلىكتىڭ ەڭ جوعارى دەڭگەيى قىزىل تۇسپەن، ودان كەيىن قىزعىلت سارى، سارى جانە كوك تۇسپەن بەلگىلەنگەن.
اۆتور
ەركەجان سماعۇلوۆا
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан