قىتايدىڭ وڭتۇستىك- باتىسىندا سۋ تاسقىنىنان كەيىن سەگىز ادامنىڭ ءمايىتى تابىلدى

استانا. KAZINFORM - قىتايدىڭ وڭتۇستىك- باتىسىنداعى سىچۋان پروۆينتسياسىندا نوسەر جاۋىن سالدارىنان 30 دان استام ادام ءىز-ءتۇزسىز جوعالىپ كەتتى. سۋ تاسقىنىنان كەيىن قۇتقارۋشىلار سەگىز ادامنىڭ ءمايىتىن تاۋىپ، ءتورت ادامدى قاۋىپسىز جەرگە جەتكىزدى. بۇل تۋرالى شينحۋا اگەنتتىگى جازدى.

تابيعات اپاتى سەنبى كۇنى ساعات 02:30 شاماسىندا بولدى. 40-تان استام ۇيگە زاقىم كەلتىرىپ، ياان قالاسىنىڭ حانيۋان وكرۋگىنە قاراستى شينحۋا اۋىلىنىڭ 1254 تۇرعىنى زارداپ شەكتى، دەپ حابارلادى جەرگىلىكتى بيلىك.

وقيعا ورنىنا دەرەۋ 443 قۇتقارۋشى جىبەرىلدى. قازىردىڭ وزىندە جولدار مەن بايلانىس جارتىلاي قالپىنا كەلتىرىلىپ، زارداپ شەككەندەرگە شۇعىل مەديتسينالىق كومەك كورسەتىلدى.

قۇتقارۋ وپەراتسياسى جالعاسىپ جاتىر.