قىتايدىڭ ورتالىق بانكى ترانسشەكارالىق وپەراتسيالاردا يۋان پايدالانۋدى ىنتالاندىرادى
استانا. KAZINFORM - قىتاي حالىق بانكى (ق ح ب، ورتالىق بانك) حالىقارالىق ساۋدا، ينۆەستيتسيالار جانە قارجىلاندىرۋ پروتسەدۋرالارىن جەڭىلدەتۋ ءۇشىن ترانسشەكارالىق ەسەپ ايىرىسۋ وپەراتسيالارىندا، باعا بەلگىلەۋدە، ينۆەستيتسيالاردا جانە قارجىلاندىرۋدا يۋان پايدالانۋدى ىنتالاندىرادى.
بۇل تۋرالى بەيسەنبىدە جاريالانعان قىتاي حالىق بانكى مالىمدەمەسىندە ايتىلعان، دەپ جازادى شينحۋا.
ورتالىق بانك يۋاننىڭ وففشورلىق نارىعىن دامىتۋعا، ۆاليۋتالىق سۆوپتار مەن كليرينگتىك بانكتەردىڭ رولىن ارتتىرۋعا نيەتتى ەكەنىن مالىمدەدى، سونداي-اق شاڭحاي مارتەبەسىن قالىپتاستىرۋدى جەدەلدەتۋگە جانە سيانگاننىڭ حالىقارالىق قارجى ورتالىقتارى رەتىندەگى مارتەبەسىن ساپالى نىعايتۋعا ۋادە بەردى.
17-18-اقپان ارالىعىندا ق ح ب وتكىزگەن كونفەرەنتسيادا 2024 -جىلدىڭ سوڭىنا قاراي جاھاندىق تولەمدەردەگى يۋان ۇلەسى ءتورتىنشى ورىندا، ال الەمدىك ساۋدانى قارجىلاندىرۋداعى يۋان ۇلەسى ءۇشىنشى ورىندا ەكەنى ايتىلدى. بۇل يۋان ينتەرناتسيوناليزاتسياسىنىڭ تۇراقتى ءوسۋىن كورسەتەدى.
كونفەرەنسيادا 2025 -جىلى ورتالىق بانكتىڭ ماكروپرۋدەنتسيالدى رەتتەۋ مەن قارجىلىق تۇراقتىلىقتى قامتاماسىز ەتۋدەگى فۋنكتسيالارىن كەڭەيتۋ، ماكروپرۋدەنتسيالدى ساياسات جۇيەسىن جەتىلدىرۋ، سونداي-اق ءتيىستى جاڭا قۇرالداردى ەنگىزۋگە كۇش جۇمسالاتىنىن مالىمدەدى.
سونىمەن قاتار، ق ح ب نارىقتاعى قۇلدىراۋدى توقتاتۋ جانە سەكتوردى تۇراقتاندىرۋ ءۇشىن جىلجىمايتىن مۇلىك سەكتورىنداعى قارجىلىق باسقارۋدى جاقسارتۋعا ۋادە بەردى.
قىتاي وسىعان دەيىن 2025 -جىلى شەتەلدىك ينۆەستيتسيالاردى تۇراقتاندىرۋ بويىنشا ءىس- قيمىل جوسپارىن جاريالادى.