قىتايدىڭ تۇرعىن ءۇي نارىعىندا جالدامالى باسپانا نەگىزگى باعىت بولادى - ورتالىق بانك

استانا. KAZINFORM - قىتايدىڭ ورتالىق بانكى ەلدىڭ تۇرعىن ءۇي نارىعىندا جالدامالى باسپاناعا باسىمدىق بەرىلەتىنىن ءمالىم ەتتى.

ورتالىق بانك ەسەبىندە ەلدە جالدامالى باسپانا نارىعىنىڭ الەۋەتى زور ەكەنى ايتىلعان. ءتۇرلى ينستيتۋتتار كەلەشەكتە بۇل ەلدە باسپانا جالدايتىن حالىقتىڭ سانى 200 ميلليون ادامنان بولجاپ وتىر.

«نارىقتا باسپانا جالداۋ وپەراتسيالارىمەن اينالىساتىن كاسىپورىندار بارعان سايىن كوبەيىپ كەلەدى. بۇل باسپانا جالداۋ قىزمەتىنىڭ ساپاسىن ارتتىرا تۇسەدى. قىتايدىڭ ورتالىق بانكى مەملەكەتتىك تۇرعىن ءۇي قۇرىلىسىنا سۋبسيديالاۋ شارالارىن كۇشەيتىپ، مۇنداي جوبالاردى قايتا نەسيەلەندىرۋ تەتىگىن قۇردى. ماۋسىم ايىنىڭ اياعىنداعى جاعداي بويىنشا، قىتايدىڭ قارجى مەكەمەلەرى باسپانا جالداۋعا 24,7 ميلليارد يۋان (شامامەن 3,46 ميلليارد دوللار) نەسيە بەرگەن. ورتالىق بانك جالدامالى باسپانا نارىعىنا نەسيە بەرەتىن قارجى جۇيەسىن ودان ءارى جەتىلدىرە تۇسەدى»، - دەپ جازادى «سينحۋا» اگەنتتىگى.

اۆتور

ەسىمجان ناقتىباي