قىتايدىڭ ۇلتتىق تەلەارناسىندا قازاقستاندىق عالىمداردىڭ زەرتتەۋى كورسەتىلدى
استانا. قازاقپارات - قىتايدىڭ CCTV ۇلتتىق ارناسىندا Kozybayev university عالىمدارى مەن زەرتتەۋلەرى كورسەتىلدى، دەپ حابارلايدى El.kz اقپارات اگەنتتىگى.
قوزىبايەۆ ۋنيۆەرسيتەتىنىڭ اگروتەحنولوگيالىق فاكۋلتەتىنىڭ عالىمدارى قىتايدىڭ سولتۇستىك- باتىس اۋىل شارۋاشىلىعى جانە ورمان شارۋاشىلىعى ۋنيۆەرسيتەتىنىڭ ارىپتەستەرىمەن بىرلەسىپ، بيداي جانە باسقا دا داقىلداردىڭ ەكولوگيالىق سورتتارىن سىناۋ بويىنشا زەرتتەۋلەر جۇرگىزۋدە. سونىڭ ناتيجەسىندە، ءارتۇرلى كليماتتىق جاعدايلارعا بەيىمدەلە الاتىن بيداي سورتتارى ءوسىرىلدى.
پروفەسسور جان جيماۋ بيدايدىڭ جاڭا سورتتارىن ءوسىرۋ جونىندەگى قازاقستاندىق عالىمدارمەن بىرلەسكەن توپتى باسقارادى. جاقسى ءوسىم مەن تۇقىم ونىمدىلىگى زەرتتەۋلەر ناتيجەلەرىنىڭ قازاقستاندا رەسمي تىركەلۋىنە اكەلۋى مۇمكىن.
ەكى جوعارى وقۋ ورنى اراسىنداعى ىنتىماقتاستىق عىلىمي كادرلاردى دايارلاۋدى دا قامتيدى. سولتۇستىك- باتىس اۋىل شارۋاشىلىعى جانە ورمان شارۋاشىلىعى ۋنيۆەرسيتەتى قوزىبايەۆ ۋنيۆەرسيتەتىنىڭ وقىتۋشىلارىنا ارناپ، دوكتورانتۋراعا 2 گرانت ءبولدى. قازىرگى تاڭدا ولار قىتايدا وقۋلارىن ءساتتى باستادى.