استانا. KAZINFORM - قىتايدىڭ ءۇرىمجى ەكونوميكالىق-تەحنولوگيالىق دامۋ ايماعى شيحۋ كوشەسىندەگى يپپودرومدا شىڭجاڭ جىلقى قاۋىمداستىعىنىڭ ەكى كۇندىك «تۋنچۋان كۋبوگى» اتىنداعى ىلە جىلقىسىنىڭ كوكپار سىناعى سەرياسى بويىنشا «تيانشان شاباندوزدارى» كۋبوگىنىڭ كوكپار جارىسى ءوتتى، دەپ حابارلايدى قىتايدىڭ «حالىق گازەتى».
اتالعان ب ا ق- تىڭ دەرەگىنە سۇيەنسەك، شىڭجاڭدا ءوسىرىلىپ، دامىتىلعان ىلە جىلقىسى قىتايدا ۇلتتىق برەندكە اينالعان جىلقى تۇقىمى سانالادى.
سول تانىمال ىلە جىلقىسىنىڭ كوكپارعا بەيىمدىلىك سىناعى بويىنشا جارىس وتكەن.
«كوكپار جارىسى - قازاق، ۇيعىر، قىرعىز، تاجىك، موڭعول جانە باسقا دا ەتنوستار جاقسى كورەتىن ءداستۇرلى سپورت ءتۇرى. ىلە جىلقىسى شىڭجاڭدا ءوسىرىلىپ، دامىتىلعان نەگىزگى جىلقى تۇقىمدارىنىڭ ءبىرى بولعاندىقتان، قىتايدا برەند جىلقى تۇقىمىنا اينالدى»، - دەپ جازادى People.cn.
ەسكە سالساق، بۇعان دەيىن ەلوردادا بايگە مەن كوكپار جارىستارى ءوتىپ جاتقانى حابارلاندى.
اۆتور بەيسەن سۇلتان
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.