قىتايدىڭ ەكى ولكەسى سۋ استىندا قالدى

قىتايدا 2 بىردەي پروۆينتسيانى سۋ باستى. احۋال اسىرەسە حەناندا قيىن. مۇندا تەگەۋرىندى سۋ بىرنەشە ەلدى مەكەندى جايپاپ وتكەن. 2 ادام وپات بولىپ، تاعى التاۋى ءىزىم-قايىم جوق.

ال حۋبەي پروۆينتسياسىندا تاسقىنعا بايلانىستى 18 مىڭعا جۋىق تۇرعىن ۇيلەرىنەن كوشىرىلدى. ايماققا 12 ساعاتتا ءبىر ايلىق جاۋىن-شاشىننىڭ مولشەرى جاۋعان. وڭىردە ەلەكتر جارىعى مەن سۋ جوق. باعدارشامدار ىستەن شىعىپ، كولىك قوزعالىسى دا قيىنداعان. پروۆينتسيا اۋماعىندا قاۋىپتىڭ ەڭ جوعارى دەڭگەيى جاريالاندى.

https://24.kz