استانا. KAZINFORM - قىتايدىڭ شىعىسىنداعى جياڭشي پروۆينسياسىنىڭ پەنجى وكرۋگىندە اۆتوكولىك توعانعا قۇلاپ، 8 ادام قازا تاپتى. بۇل تۋرالى جەرگىلىكتى پوليتسيا حابارلادى، دەپ جازدى شينحۋا.
اۋداندىق قوعامدىق قاۋىپسىزدىك باسقارماسىنىڭ مالىمەتىنشە، قايعىلى وقيعا سەيسەنبى كۇنى ساعات 16:00 شاماسىندا اۋىلداعى تاس جولدا بولعان. كولىكتى 49 جاستاعى ايەل باسقارعان. اۆتكولىك جول بويىنداعى توعانعا ءتۇسىپ كەتىپ، جۇرگىزۋشىمەن بىرگە 8 جولاۋشى دا مەرت بولدى.
وقيعا ورنىنا پوليتسيا، ءورت سوندىرۋشىلەر مەن مەديتسينا قىزمەتكەرلەرى دەرەۋ جەتتى. قازىر تەرگەۋ امالدارى جۇرگىزىلىپ جاتىر.
بۇعان دەيىن كولۋمبيادا مەكتەپ اۆتوبۋسىنىڭ اپاتىنان 17 وقۋشى قازا تاۋىپ، 20 سى جاراقات العانى تۋرالى جازعان بولاتىنبىز.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан