قىتايدىڭ شينجاڭ-ۇيعىر اۆتونوميالىق اۋدانى ءۇرىمجى قالاسىندا شاڭحاي ىنتىماقتاستىق ۇيىمىنىڭ «تۋريزم جىلى 2023» فورۋمى ءوتىپ جاتىر. وعان ش ى ۇ-عا مۇشە مەملەكەتتەردىڭ رەسمي وكىلدەرى، باقىلاۋشىلارى مەن ديالوگ بويىنشا سەرىكتەستەر، حالىقارالىق ۇيىمداردىڭ وكىلدەرى، تۋريستىك كومپانيالاردىڭ باسشىلارى قاتىسۋدا، دەپ حابارلايدى Kazinform ءتىلشىسى.
فورۋم باعدارلاماسى نەگىزگى ءتورت تاقىرىپتىق بلوكقا بولىنگەن. 24-قاراشا كۇنى وتەتىن «ش ى ۇ كەڭىستىگىندەگى تۋريستىك الەۋەت» تاقىرىبىنداعى پلەنارلىق وتىرىس - ءىس-شارانىڭ باستى وقيعاسى بولماق.
سونداي-اق باعدارلاماعا ىسكەرلىك شارالار، سونىڭ ىشىندە پانەلدىك سەسسيالار، تۋريستىك كومپانيالار مەن بيزنەس وكىلدەرى اراسىنداعى ىسكەرلىك كەزدەسۋلەر، شينجاڭداعى تۋريستىك ورىندارعا بارۋ كىرەدى.
ەستەرىڭىزگە سالا كەتەيىك، شانحاي ىنتىماقتاستىق ۇيىمىنا مۇشە مەملەكەتتەر 2023 -جىلدى ش ى ۇ-دا تۋريزم جىلى دەپ جاريالاعان بولاتىن.
2023 -جىلدىڭ شىلدەسىندە قازاقستان شاڭحاي ىنتىماقتاستىق ۇيىمىنا ءتوراعالىق ەستافەتاسىن قابىلدادى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан