قىتايدىڭ بۇرىنعى حالىق قۇرىلتايىنىڭ ءتوراعاسى ۋ بانگو قايتىس بولدى

بەيجىڭ. KAZINFORM - بۇكىل قىتايلىق حالىق وكىلدەرى جينالىسى تۇراقتى كوميتەتىنىڭ بۇرىنعى ءتوراعاسى ۋ بانگو 8-قازان كۇنى بەيجىڭدە 83 جاسىندا قايتىس بولدى.

شينحۋا اگەنتتىگنىڭ حابارلاۋىنشا، ۋ بانگو ق ك پ ورتالىق كوميتەتى حاتشىلىعىنىڭ حاتشىسى، ق ك پ ورتالىق كوميتەتى ساياسي بيۋروسىنىڭ مۇشەسى جانە ورتالىق كوميتەتى ساياسي بيۋروسىنىڭ تۇراقتى كوميتەتىنىڭ مۇشەسى، مەملەكەتتىك كەڭەستىڭ بۇرىنعى ۆيتسە- پرەمەرى، ق ك پ 10 جانە 11- بۇكىل قىتايلىق حالىق وكىلدەرى جينالىسى تۇراقتى كوميتەتىنىڭ ءتوراعاسى قىزمەتتەرىن اتقارعان.

2013 -جىلى ۋ بانگو باسشىلىق قىزمەتتەن زەينەتكەرلىككە شىقتى.

ايتا كەتەيىك، بۇعان دەيىن قىتاي ءتوراعاسى شي جينپيڭ قىتايدىڭ قازىرگى جاعدايدا سولتۇستىك كورەيامەن ستراتەگيالىق ۇيلەستىرۋدى كۇشەيتۋگە دايىن ەكەنىن مالىمدەگەن بولاتىن.

اۆتور
مۇحتار قاليموللا ۇلى