استانا. قازاقپارات - قىتايدىڭ مىس تۇتىنۋداعى كوشباسشىلىعىن نىعايتۋعا كومەكتەسەتىن ۇلكەن مىس قورى تيبەت قىراتىنان تابىلدى. ەلدىڭ پايدالى قازبالاردى بارلاۋداعى جەتىستىكتەرى ايتارلىقتاي ناتيجەگە جەتكىزۋدە.
قىتايدىڭ گەولوگيا قىزمەتىنىڭ زەرتتەۋشىلەرى تيبەت قىراتىنان 20 ميلليون مەترلىك توننادان استام جاڭا مىس قورىن انىقتاعانىن دۇيسەنبى كۇنى حابارلادى. بۇل سان 2021 -جىلعى مالىمەت بويىنشا تيبەت قىراتىنداعى راستالعان 53 ميلليون توننا مىس قورىمەن سالىستىرمالى، ول قىتايدىڭ جالپى مىس قورىنىڭ جارتىسىنان استامىن قۇرايدى.
زەرتتەۋشىلەردىڭ باعالاۋىنشا، قىراتتىڭ جالپى مىس قورى 150 ميلليون تونناعا جەتۋى مۇمكىن. بۇل قورلار ءتورت نەگىزگى رەسۋرس بازاسىندا شوعىرلانعان: يۋلۋن، دۋولۋن، تسزيۋلۋن- تسزياما جانە سيۋنكۋن- چجۋنو.
تيبەت قىراتى الەمدىك دەڭگەيدەگى مىس رەسۋرستارى بازاسىنا اينالۋى ىقتيمال دەپ ەسەپتەيدى عالىمدار.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан