«قىتايدان تاۋار اكەلىپ بەرەمىز» - ماجىلىستە 5 مىڭ ادامنان 30 ميلليارد تەڭگە الداپ العان توپتىڭ ماسەلەسى كوتەرىلدى
ءماجىلىس دەپۋتاتى داۋلەت مۇقايەۆ باس پروكۋروردىڭ اتىنا 5 مىڭ ادامنان 30 ميلليارد تەڭگە الداپ العان توپتىڭ ماسەلەسىن كوتەرىپ، ساۋال جولدادى، دەپ حابارلايدى Kazinform.
«وتكەن جىلدىڭ وزىندە 20444 دەرەك تىركەلىپ، ازاماتتارعا 16,5 ميلليارد تەڭگەگە زالال كەلگەن. ال بيىل جىل اياقتالماسا دا، 15 مىڭعا جۋىق دەرەك تىركەلىپ، زارداپ كولەمى 11 ميلليارد تەڭگەدەن استى. ولاردىڭ قۇربانى كوبىندە ۇيدە وتىرعان انالار مەن قىز- كەلىنشەكتەر. ينتەرنەت- الاياقتىقتىڭ ءتۇر- ءتۇرى بار. سوڭعى ۋاقىتتا الەۋمەتتىك جەلى ارقىلى «بايەر» دەگەن اتاۋمەن قىتاي، تۇركيا، ا ق ش- تان ارزان تاۋار جەتكىزۋشىلەر كوبەيگەن. ءبىرى ەلىمىزدە تىركەلىپ، زاڭدى جۇمىس ىستەسە، ەندى ءبىرى حالىقتى تولىعىمەن الداپ ءجۇر. (.. .) قازىر بايىتامىن دەيتىن «بايەرگە» بارىن بەرگەن قارا حالىقتىڭ بازىناسىن دا ءجيى ەستىپ ءجۇر»، - دەدى دەپۋتات.
داۋلەت مۇقايەۆ ءوزى ايتقان مالىمەتتەرگە ناقتى مىسال دا كەلتىردى.
«سولاردىڭ ءبىرى ايس مۇراتوۆا دەگەن لاقاپ اتپەن تانىمال. شىن اتى - ارايلىم. ول سوڭعى ەكى جىلدا حالىقتىڭ سەنىمىنە كىرىپ، ساۋدا جاساپ، ءوزىن جاقسى جاعىنان جارنامالاعان. ونىڭ ىشىندە قىتايدان ارزان تاۋارلار، ىدىس- اياقتار جىبەرەمىن دەگەن الەۋمەتتىك جەلى ارقىلى ءوزىن ءىرى كاسىپكەر رەتىندە كورسەتىپ، قول استىمدا زاڭدى جۇمىسشىلارىم بار دەپ ەلدى سەندىرىپ كەلگەن. تولەمدەردى ەشقانداي كەلىسىمشارتسىز، ياعني كارتالىق شوتقا، اۋدارما ارقىلى جىبەرۋدى سۇراعان. باسىندا از- ماز اقشاعا قاجەتتى تاۋارلاردى جىبەرىپ، كەيىن ءىرى سوماعا جەتكەندە بارلىق سالىمشىنى ءبىر كۇندە الداپ كەتكەن. سودان بەرى نە تاۋار، نە اقشا قايتارىلماعان. جەلىدەگى اقپارات بويىنشا ەلىمىزدىڭ ءار وڭىرىندەگى 5 مىڭنان استام ازاماتتان جالپى سوماسى شامامەن 30 ميلليارد تەڭگە جيناپ الىپ، بارلىعىن الداپ كەتكەن. ەندى ساۋدا جاساپ، كۇن كورمەكشى بولعان ازاماتتار ارىز جازىپ شاعىمدانساق تا، بىرنەشە ايدان بەرى ەش ناتيجە شىقپايدى دەيدى»، - دەدى دەپۋتات.