قىتايدان ەۋروپاعا جىبەرىلەتىن جەرۇستى تاسىمالىنىڭ %80 قازاقستان ارقىلى وتەدى
استانا. KAZINFORM - پرەمەر- ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين قىتايلىق سەرىكتەستەردى كولىك ينفراقۇرىلىمى سالاسىنداعى جاڭا جوبالاردى بىرلەسىپ ىسكە اسىرۋعا شاقىردى.
ونىڭ ايتۋىنشا، ورتالىق ازيانىڭ ترانزيتتىك جانە لوگيستيكالىق الەۋەتى قىتايعا وراسان زور مۇمكىندىكتەر اشادى.
− بۇل ءوڭىر ەجەلدەن شىعىس پەن باتىستى، سولتۇستىك پەن وڭتۇستىكتى بايلانىستىراتىن ماڭىزدى ساۋدا جولدارىنىڭ توعىسقان نۇكتەسى سانالادى. بۇگىندە قىتايدان ەۋروپاعا باعىتتالعان جەرۇستى تاسىمالدارىنىڭ � دان استامى قازاقستان ارقىلى وتەدى. ءبىز قىتايدىڭ «ءبىر بەلدەۋ، ءبىر جول» باستاماسى اياسىنداعى ىنتىماقتاستىقتى ودان ءارى تەرەڭدەتۋگە مۇددەلىمىز. اتالعان مەگاجوبا ورتا دالىزبەن بىرگە «سولتۇستىك - وڭتۇستىك» جانە «شىعىس - باتىس» باعىتتارىنىڭ الەۋەتىن ودان ءارى اشا تۇسەدى، - دەدى سەرىك جۇمانعارين ەلوردادا «ورتالىق ازيا - قىتاي» ىسكەرلىك كەڭەسىنىڭ ەكىنشى وتىرىسىندا.
ءمينيستردىڭ ايتۋىنشا، 2024 -جىلى قىتاي، قازاقستان، كاسپي تەڭىزى، ازەربايجان، گرۋزيا، تۇركيا جانە ەۋروپا ەلدەرىنە جالعاساتىن ورتا ءدالىز ارقىلى جۇك تاسىمالى كولەمى ` دان استام ءوسىپ، 4,5 ميلليون تونناعا جەتتى.
− 2030 -جىلعا قاراي بۇل كورسەتكىشتى جىلىنا 10 ميلليون تونناعا دەيىن جەتكىزۋدى جوسپارلاپ وتىرمىز. قىتايلىق سەرىكتەستەردى كولىك ينفراقۇرىلىمى سالاسىنداعى جاڭا جوبالاردى بىرلەسىپ ىسكە اسىرۋعا شاقىرامىز، − دەدى سەرىك جۇمانعارين.
ايتا كەتەيىك، بۇگىن ەلوردادا «ورتالىق ازيا - قىتاي» Ⅱ سامميتى وتەدى. وعان وڭىردەگى 5 مەملەكەتتىڭ باسشىلارى مەن قىتاي حالىق رەسپۋبليكاسىنىڭ ءتوراعاسى قاتىسادى.
ەڭ العاشقى سامميت 2023 -جىلدىڭ 19-مامىردا قىتايدىڭ سيان قالاسىندا وتكەن ەدى. سامميت قورىتىندىسىندا مەملەكەتتەر باسشىلارى شيان دەكلاراتسياسىنا قول قويىپ، ءبىرقاتار باستامانى قابىلداعان.
2024 -جىلى ورتالىق ازيا ءوڭىرى مەن قىتاي اراسىنداعى ساۋدا قارقىنى 95 ميلليارد ا ق ش دوللارىنا جەتكەن جانە ونىڭ جارتىسىنا جۋىعى قازاقستانعا تيەسىلى بولدى. وسىلايشا، ەكىجاقتى ساۋدا اينالىمى رەكوردتىق 44 ميلليارد دوللارعا جەتكەن.
سونىمەن بىرگە، ورتالىق ازيانىڭ ورگانيكالىق ونىمدەرى قىتاي نارىعىندا جوعارى باعالانادى.