قىتايدان قازاقستانعا كەلگەن تۋريستەر سانى 78 پايىز كوبەيگەن

استانا. قازاقپارات - 2024 -جىلى قىتايدان قازاقستانعا 655 مىڭ تۋريست كەلگەن. بۇعان ۆيزاسىز رەجيمنىڭ ەنگىزىلۋى جانە اۋە رەيستەرىنىڭ ارتۋى سەبەپ بولدى. ەكى ەل اراسىنداعى تۋريستىك بايلانىستار تۋرالى تۋريزم جانە سپورت ۆيتسە-ءمينيسترى ەرجان ەركىنبايەۆ ايتىپ بەردى.

2024 -جىلدىڭ كوكتەمىندە بەيجىڭدە «قىتايداعى قازاقستان تۋريزمى جىلى» سالتاناتتى تۇردە اشىلدى. بۇل جاي عانا سيمۆولدىق شارا ەمەس، قىتاي اۋديتورياسى اراسىندا قازاقستان تۋريزمىن كەڭ كولەمدە ىلگەرىلەتۋگە باعىتتالعان اۋقىمدى جۇمىستىڭ باستاماسى بولدى.

قازاقستاندى قىتايلىق ساياحاتشىلارعا جاقىنىراق تانىستىرۋ ماقساتىندا 37 ءتۇرلى ءىس-شارا ۇيىمداستىرىلعان.

− ناتيجە كوپ كۇتتىرمەدى جانە تۋريستەر اعىنى بىرنەشە ەسەگە ارتتى. وتكەن جىلى قىتايدان كەلگەن تۋريستەر سانى 655 مىڭعا جەتىپ، 2023 -جىلمەن سالىستىرعاندا x- عا ءوستى. بۇعان ۆيزاسىز رەجيمنىڭ ەنگىزىلۋى جانە اۋە رەيستەرىنىڭ ارتۋى سەبەپ بولدى. بيىل گۋاڭجوۋ - الماتى، چىڭدۋ - الماتى، شاڭحاي - الماتى، شاڭحاي - شىمكەنت، سونداي-اق شيان - شىمكەنت باعىتتارىنا جاڭا اۋە مارشرۋتتارى اشىلىپ جاتىر، - دەدى ۆيتسە-مينيستر نازاربايەۆ ۋنيۆەرسيتەتىندە «قولا مەن التىن ادام - قىتاي- قازاقستاننىڭ مادەني بايلانىسى» فورۋمىندا.

ال 29 -مامىردا «شيان - الماتى» باعىتىنداعى العاشقى تۋريستىك پويىز جولعا شىقتى. بۇل باستاما ەكىنشى «ورتالىق ازيا - قىتاي» سامميتىمەن تۇسپا-تۇس كەلىپ، ەكى ەل اراسىنداعى مادەني جانە گۋمانيتارلىق بايلانىستاردى دامىتۋعا باعىتتالدى.

− اتالعان شارالاردىڭ بارلىعى قازاقستان مەن قىتاي اراسىنداعى تۋريستىك اعىمدى ودان ءارى ارتتىرۋعا ىقپال ەتىپ وتىر. 2025 -جىلدىڭ قاڭتار-مامىر ايلارى ارالىعىندا قىتايدان شامامەن 280 مىڭ تۋريست كەلگەن، بۇل 2024 -جىلدىڭ وسى كەزەڭىمەن سالىستىرعاندا B- عا ارتىق. ءبىر اپتا بۇرىن قازاقستاندا قىتاي تۋريزمى جىلىنىڭ رەسمي اشىلۋىن وتكىزدىك. ال بۇگىنگى شارا ەكى ەل قارىم-قاتىناسىنىڭ جاڭا كەزەڭگە اياق باسقانىن بىلدىرەدى، − دەدى ە. ەركىنبايەۆ.

اۆتور

ايجان سەرىكجان قىزى