استانا. قازاقپارات - ۆەتەريناريالىق باقىلاۋ جانە قاداعالاۋ كوميتەتىنىڭ شىمكەنت قالاسى بويىنشا اۋماقتىق ينسپەكتسياسى قىتايدان زاڭسىز اكەلىنگەن 25 مىڭ كەلىدەن اسا قۇس ەتىن جويدى، دەپ حابارلايدى Halyq Uni.
رەيد بارىسىندا «جىبەك جولى» ساۋدا ورتالىعىنىڭ اۋماعىندا ۆەتەريناريالىق سەرتيفيكاتسىز جانە باسقا دا قوسىمشا قۇجاتتارسىز قىتايدان اكەلىنگەن 35 مىڭ 70 كەلى قۇس ەتى انىقتالعان.
تاركىلەنگەن قۇس ەتىنىڭ بارلىق پارتياسى شىمكەنت قالاسىنىڭ اقتاس كەنتىنىڭ قالالىق قوقىس جيناۋ ورتالىعىنىڭ اۋماعىنداعى بەككاري شۇڭقىرىندا وڭدەلىپ، جويىلدى. وندا دەزينفەكتسيالىق ءىس-شارالار جۇرگىزىلىپ، ونىڭ ىشىندە ەت كونتەينەرى مەن 9 «گازەل» جۇك كولىگى وڭدەۋ شارالارىنان ءوتتى، - دەلىنگەن حابارلامادا.
اكىمشىلىك قۇقىق بۇزۋشىلىق تۋرالى كودەكسىنىڭ 406-بابىنىڭ 1-تارماعىنا سايكەس جەكە كاسىپكەرگە 50 ا ە ك ايىپپۇل سالىندى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан