قىتايدا تاعى ءبىر قانداسىمىز ازيا ويىندارىنىڭ جۇلدەگەرى اتاندى
استانا. KAZINFORM - حاربيندە ءوتىپ جاتقان قىسقى ازيادا ويىندارىندا قىتاي قۇراماسىنىڭ اتىنان شىققان تاعى ءبىر قازاق قاناعات مۇحاممەد ۇلى 5000 مەتر قاشىقتىققا كونكيمەن جۇگىرۋدەن قولا جۇلدەگە قول جەتكىزدى.
قاناعات 5000 مەتر قاشىقتىقتى 6:31.54 سەكۋندتا جۇگىرىپ ءوتتى. وسى قاشىقتىقتا قىتايدىڭ وزگە كونكيشىلەرى التىن مەن كۇمىستى ولجالادى. اتاپ ايتقاندا، ۆۋ يۋ 6:27.81 ناتيجەسىمەن التىن السا، ليۋ حانبين بەس شاقىرىمدى 6:29.93 ۋاقىتىمەن جۇگىرىپ ءوتىپ، كۇمىس مەدالدى قاناعات تۇتتى.
قاناعات مۇحاممەد ۇلى قىتايدىڭ شىڭجاڭ-ۇيعىر اۆتونوميالىق اۋدانىنا قاراستى التاي اۋىلىندا 1999-جىلى دۇنيەگە كەلگەن. بۇل ءوڭىر قىسقى سپورت تۇرلەرىمەن تانىمال جانە قازاقتار كوپ شوعىرلان.
بۇعان دەيىن قىتاي ساپىنان ازياداعا قاتىسقان 2 قازاق سپورتشىسى جۇلدە العان. اتاپ ايتقاندا، شاڭعى جارىسىندا بايان جالىن قىزى چەمپيون اتانسا، سامعار سەرىك ۇلى قولا مەدالعا يە بولعان ەدى.