قىتايداعى تابيعي اپات ورىن العان ايماقتا 628 مىڭ ادام بولعان

استانا. KAZINFORM - قىتاي ورتالىق تەلەارناسى قىتاي شىعىسىنداعى فۋجيان پروۆينتسياسىنىڭ جاعالاۋىنا ءبىر كۇن بۇرىن جەتىپ، كەيىن تروپيكالىق داۋىلعا اينالعان «گاەمي» تايفۋنى ەلدىڭ ىشكى جاعىنا قاراي جىلجىپ كەلە جاتقانىن، اپات ايماعىندا 628 مىڭنان استام ادام قالىپ قويعانىن حابارلادى، دەپ جازادى تاسس.

«گاەمي» تايفۋنى فۋجيان پروۆينسياسى ماڭىنداعى قىتايدىڭ ماتەريكتىك جاعالاۋىنا سوقتى.

پروۆينسيا بيلىگى قاۋىپتى ايماقتان 150 مىڭ تۇرعىندى الدىن الا ەۆاكۋاتسيالادى.

25-شىلدە كۇنى كەشكە تايفۋن پۋتيان قالالىق وكرۋگىنىڭ جاعالاۋ ايماعىنا سوعىپ، سولتۇستىك- باتىس باعىتتا 20 ك م/ساع جىلدامدىقپەن ءجۇرىپ ءوتتى. سيكلوننىڭ ورتالىق بولىگىندەگى جەلدىڭ جىلدامدىعى 28 م/س جەتتى.

بۇعان دەيىن فۋتسزيان تەڭىز ىستەرى باسقارماسى جاعالاۋعا قوسىمشا ءۇش قۇتقارۋ تىكۇشاعى مەن ءۇش قۇتقارۋ كەمەسىن، سونداي-اق توتەنشە جاعدايلارعا جاۋاپ بەرۋگە دايىن 49 پاترۋلدىك قايىق پەن 100 دەن استام سۇيرەتپە جىبەرگەنى حابارلاندى.

سارسەنبىگە قاراعان ءتۇنى تايفۋن تايۆاننىڭ شىعىس جاعالاۋىنا يلان وكرۋگىنىڭ ماڭىنا كەلدى. رەسمي مالىمەتتەرگە سايكەس، 5 ادام تايفۋن سوققىسىنىڭ قۇربانى بولدى، تاعى 500 دەن استامى بەلگىلى ءبىر دارەجەدە زارداپ شەكتى.

اۆتور
ەركەجان سماعۇلوۆا