قىتايداعى قازاقتار اراسىنان شىققان قوعام قايراتكەرى بوتاي كوپەن ۇلى ومىردەن وزدى

  قىتايدىڭ شىڭجاڭ ولكەلىك وندىرىستىك-قۇرىلىس كورپۋسى قولباسشىسىنىڭ بۇرىنعى ورىنباسارى، قىتايداعى قازاقتار اراسىنان شىققان بەلگىلى مەملەكەت جانە قوعام قايراتكەرى بوتاي كوپەن ۇلى ومىردەن وزدى.

Kazinform بۇل تۋرالى thepaper.cn سايتىنا سىلتەمە جاساپ حابارلايدى.

قىتايلىق ب ا ق- تىڭ حابارلاۋىنشا، قىتاي كوممۋنيستىك پارتيا كوميتەتىنىڭ بۇرىنعى تۇراقتى مۇشەسى، شىڭجاڭ وندىرىستىك-قۇرىلىس كورپۋسى قولباسشىسىنىڭ ورىنباسارى 85 جاسىندا ءۇرىمجى قالاسىندا باقيلىق بولعان.

ايتا كەتەيىك، بوتاي كوپەن ۇلى 1938-جىلى جەلتوقساندا قازىرگى شىڭجاڭ-ۇيعىر اۆتونوميالىق ولكەسى، باركول قازاق اۆتونوميالى اۋدانىندا دۇنيەگە كەلگەن. 1965-جىلدان باستاپ جۇمىس ىستەپ، 2004-جىلدىڭ ماۋسىم ايىندا زەينەتكە شىققان.

ب. كوپەن ۇلى قىتاي عىلىم اكادەمياسىنىڭ شىڭجاڭ فيليالىندا جۇمىس ىستەپ ءجۇرىپ، التىن تاۋلارىنىڭ تابيعي قورعالۋى مەن دامۋىنىڭ عىلىمي نەگىزىن قۇرايتىن كەشەندى ەكسپەديتسيا ۇيىمداستىردى، ءبىرقاتار عىلىمي ەڭبەك جازىپ، «حيميالىق سوزدىكتىڭ» قازاقشا نۇسقاسىن قۇراستىردى.

ول - شىڭجاڭداعى قازاق مادەنيەت قوعامىن قۇرۋعا اتسالىسقان تۇلعالاردىڭ ءبىرى. سونداي-اق شىڭجاڭداعى شىحىزى ۋنيۆەرسيتەتىن قۇرۋعا مۇرىندىق بولعان.