حالىقارالىق دۇنيەجۇزىلىك ويىندار قاۋىمداستىعى (IWGA)، چەندۋ 2025 دۇنيەجۇزىلىك ويىنداردى ۇيىمداستىرۋ كوميتەتى (LOC) جانە حالىقارالىق باعدارلاۋ فەدەراتسياسى (IOF) بىرلەسكەن مالىمدەمەدە سپورتشىنىڭ 2025-جىلعى 8-تامىز، جۇما كۇنى تاڭەرتەڭ ەرلەر اراسىنداعى ورتا قاشىقتىقتى باعدارلاۋ جارىسى كەزىندە ەس-ءتۇسسىز جاتقان جەرىنەن تابىلعانىن حابارلادى.
قىتايداعى جەتەكشى مەديتسينالىق مەكەمەلەردىڭ بىرىندە جەدەل بىلىكتى مەديتسينالىق كومەك العانىنا قاراماستان، ول 2025-جىلى 12-تامىزدا قايتىس بولدى. ۇيىمداستىرۋشىلار سپورتشىنىڭ وتباسى مەن جاقىندارىنا، سونداي-اق بۇكىل الەمدىك باعدارلاۋ قاۋىمداستىعىنا قايعىلارىنا ورتاقتاسىپ كوڭىل ايتادى.
مالىمدەمەدە IWGA ،LOC جانە IOF يتاليالىق سپورتشى ماتتيا دەبەرتوليستىڭ وتباسىنا جانە باعدارلاۋ قاۋىمداستىعىنا جان-جاقتى قولداۋ كورسەتۋدى جالعاستىراتىنى ايتىلعان.
ەستەرىڭىزگە سالا كەتەيىك، دۇنيەجۇزىلىك ويىندار - وليمپيادا ويىندارىنىڭ باعدارلاماسىنا ەنبەگەن سپورت تۇرلەرىنەن حالىقارالىق كەشەندى جارىستار. ولار 1981-جىلدان باستاپ ءتورت جىلدا ءبىر رەت وتكىزىلىپ كەلەدى. بيىل قىتايدىڭ ماتەريكتىك ايماعىندا العاش رەت وتكىزىلىپ جاتىر.
بۇعان دەيىن قىتايدىڭ چەندۋ قالاسىندا 2025-جىلعى دۇنيەجۇزىلىك ويىندار رەسمي تۇردە اشىلعانىن جازعان بولاتىنبىز.