قىتايدا زەينەتكە شىعۋ جاسى ۇزارادى
10:17, 14 - قىركۇيەك 2024
قىتايدا كەلەر جىلدان باستاپ زەينەتكە شىعۋ جاسى ۇزارادى. بۇكىل قىتايلىق حالىق وكىلدەرى جينالىسىنىڭ تۇراقتى كوميتەتى زەينەتكەرلىك جاستى كەزەڭ- كەزەڭىمەن ارتتىرۋ جوسپارىن ماقۇلدادى.
بۇل تۋرالى جەرگىلىكتى ب ا ق حابارلادى. ولاردىڭ سوزىنشە، مۇنداي وزگەرىس 1950 -جىلدان بەرى العاش رەت ەنگىزىلىپ وتىر. ەرلەر ءۇشىن زەينەتكە شىعۋ 60 جاستان 63 جاسقا كوتەرىلەدى. ال جۇمىسشى ايەلدەر ءۇشىن 50 دەن 55 جاسقا، كەڭسە قىزمەتكەرلەرى ءۇشىن 55 جاستان 58 گە ۇلعايادى. جوسپارعا سايكەس بيلىك جىل سايىن تۇرعىنداردىڭ زەينەتكەرلىك جاسىنا 6 اي قوسىپ وتىرادى. جۇمىس بەرۋشىنىڭ رۇقساتىمەن قىزمەتكەردىڭ زەينەتكە شىعۋ جاسىن 3 جىلعا ۇزارتۋعا بولادى.