قىتايدا «ۆيپحا» تايفۋنىنا بايلانىستى «سارى» دەڭگەيدەگى دابىل ۇزارتىلدى

استانا. KAZINFORM - قىتايدىڭ ۇلتتىق مەتەورولوگيالىق ورتالىعى (ۇ م و) سەنبى كۇنى وسى جىلى التى رەت تىركەلگەن «ۆيپحا» تايفۋنىنا بايلانىستى «سارى» دەڭگەيدەگى دابىلدى ۇزارتتى، دەپ جازادى شينحۋا.

تايفۋن ەلدىڭ وڭتۇستىك جاعالاۋلارىنا كۇشتى جەل مەن مول جاڭبىر اكەلەدى دەپ كۇتىلەدى.

ۇ م و مالىمەتتەرى بويىنشا، سەنبى كۇنى تاڭعى ساعات 05:00 دە تايفۋننىڭ ەپيتسەنترى سولتۇستىك ەندىك 19,9 گرادۋس، شىعىس بويلىق 120,2 گرادۋس نۇكتەسىندە ورنالاسقان. تايفۋن ساعاتىنا 15-20 ك م جىلدامدىقپەن سولتۇستىك-باتىس باعىتتا قوزعالادى دەپ بولجانىپ وتىر.

بولجام بويىنشا، تايفۋن جەكسەنبى كۇنى كۇننىڭ ەكىنشى جارتىسىندا نەمەسە كەشكە شەنچجەن (گۋاندۋن پروۆينتسياسى، وڭتۇستىك قىتاي) مەن ۆەنچان (حاينان پروۆينتسياسى، وڭتۇستىك قىتاي) قالالارى اراسىنداعى جاعالاۋدان قۇرلىققا شىعادى.

قىتايدا تايفۋنعا قاتىستى ءتورت دەڭگەيلى ەسكەرتۋ جۇيەسى بار، ونىڭ ىشىندە ەڭ جوعارى قاۋىپ-قاتەر قىزىل تۇسپەن بەلگىلەنەدى، ودان كەيىن قىزعىلت سارى، سارى جانە كوك تۇستەر ورنالاسقان.

بۇعان دەيىن 10-شىلدەدە قىتايدىڭ مەتەوقىزمەتى ەلدىڭ كەيبىر اۋداندارىنداعى نوسەر جاۋىن سالدارىنان دابىلدىڭ «سارى» بەلگىسىن جاريالادى.