قىتايدا وتكەن قىسقى سپارتاكيادادا قازاق قىزى چەمپيون اتاندى
التاي. KAZINFORM - ق ح ر ىشكى موڭعول اۆتونوميالىق ولكەسى ۇلانچاب قالاسىندا ءوتىپ جاتقان XIV كەزەكتى ۇلتتىق قىسقى ويىندارىندا قانداسىمىز جەڭىس تۇعىرىنان كورىندى.
«جەنمين ۋاڭ» (people.cn) سايتىنىڭ حابارلاۋىنشا، قانداسىمىز بايان جالىن قىزى شاڭعى جارىسىندا ءبىر التىن ءبىر قولا مەدال جەڭىپ الدى.
ناقتىراق ايتساق، بايان ايەلدەر اراسىندا قىسقا قاشىقتىقتاعى كوماندالىق سپرينت باعدارلاماسىندا چەمپيون اتاندى. بۇل شىڭجاڭ كومانداسىنىڭ 2017-جىلدان بەرى شاڭعى سپورتىنان العان العاشقى التىن مەدالى.
سونداي-اق، ول وسىعان دەيىن 10 ك م ەركىن سىرعاناۋ باعدارلاماسىندا قولا جۇلدە ەنشىلەگەن ەدى.
ايتا كەتەرلىگى، تاعى ءبىر قانداسىمىز ءجاينات ايەلدەر اراسىندا سنوۋبوردتان كەدەرگىلەردى قۋۋ باعدارلاماسىندا قولا مەدال جەڭىپ الدى.
بايان جالىن قىزى ق ح ر التاي ايماعى، جەمەنەي اۋدانىندا دۇنيەگە كەلگەن. ول شاڭعى سپورتى تۇرلەرى بويىنشا قىتاي ۇلتتىق قۇراماسىنا قابىلدانىپ، بەيجىڭ قىسقى وليمپياداسىندا ونەر كورسەتتى.
اۆتور
مۇحتار قاليموللا ۇلى