استانا. KAZINFORM - قىتايدا ەلدىڭ وڭتۇستىك- باتىسىنداعى ورمان ورتىنە بايلانىستى ءۇش مىڭنان استام ادام ەۆاكۋاتسيالانىپ، جالىندى اۋىزدىقتاۋعا 1,5 مىڭنان استام ءورت ءسوندىرۋشى جىبەرىلدى.
جەرگىلىكتى ب ا ق-تىڭ حابارلاۋىنشا، ءورت جۇما كۇنى كەشكە قىتايدىڭ وڭتۇستىك- باتىسىنداعى سىچۋان پروۆينتسياسىنداعى تاۋلى ايماقتا بولعان. جەرگىلىكتى بيلىك توتەنشە جاعداي ايماعىندا ورنالاسقان 10 نان استام ەلدى مەكەن تۇرعىنىن ەۆاكۋاتسيالادى.
17-ناۋرىز كۇنى ساعات 01:30-داعى جاعداي بويىنشا جەلدىڭ قاتتى جانە باعىتى بەلگىسىز بولۋىنا بايلانىستى ءورت ورنىندا ءۇش نەگىزگى ورتەنۋ وشاعى پايدا بولدى.
ءورتتى سوندىرۋگە قاتىسۋ ءۇشىن 500 ادامنان تۇراتىن جەرگىلىكتى كاسىبي ءورت ءسوندىرۋ بريگادالارى ۇيىمداستىرىلىپ، 8 تىكۇشاق جۇمىلدىرىلدى. ت ج ايماعىنا 1038 ادامنان تۇراتىن ۇلتتىق ءورت ءسوندىرۋ- قۇتقارۋ جاساعى كەلدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан