قىتايدا QazTrade ساۋدا وكىلدىگى جۇمىسىن باستايدى
استانا. KAZINFORM - قازاقستاندىق تاراپتىڭ قىتايعا جۇمىس ساپارى بارىسىندا ساۋدا وكىلدىگىن اشۋ ءۇشىن سىچۋان پروۆينسياسىنىڭ پانازيالىق ينۆەستيتسيالىق-دامۋشى توبى اراسىندا ستراتەگيالىق كەلىسىمگە قول قويىلعان.
ق ر ساۋدا جانە ينتەگراتسيا ءمينيسترى ارمان شاققاليەۆتىڭ ايتۋىنشا، QazTrade وتاندىق ونىمدەردىڭ كونسوليداتورى رەتىندە قىتايلىق ءىرى كومپانيالاردىڭ جولسەرىگى اتانباق.
«قازاقستان مەن پروۆينسيا اراسىنداعى ساۋدانى ۇلعايتۋعا باعىتتالعان بىرلەسكەن جوبالاردى ىسكە اسىرۋ ماقساتىندا Qaztrade كومپانياسى مەن سىچۋان پروۆينسياسىنداعى قىتايلىق سەرىكتەستەرمەن بىرلەسىپ، QazTrade ساۋدا وكىلدىگىنىڭ جۇمىسىن باستاۋ جونىندەگى سىچۋان پروۆينسياسىنىڭ پانازيالىق ينۆەستيتسيالىق-دامۋشى توبى اراسىندا ستراتەگيالىق كەلىسىمگە قول قويىلدى»، - دەدى مينيستر.
ايتا كەتەيىك، بىلتىر شانشي پروۆينسياسىندا مەملەكەت باسشىسى قاسىم-جومارت توقايەۆ ق ر باس كونسۋلدىعىن اشقان بولاتىن. ونىڭ الاڭىندا قازاقستاندىق ونىمدەر شوۋ-رۋمى جۇمىس ىستەيدى.
«شيان قۇرعاق پورتىنىڭ اۋماعىندا قازاقستان تەمىر جولى كومپانياسىنىڭ تەرمينالىنىڭ قۇرىلىسى باستالدى. سونداي اق حۋبي پروۆينسياسىنىڭ كومپانيالارىمەن ساۋدا جانە اكادەميالىق ىنتىماقتاستىق ورناتىلىپ جاتىر»، - دەدى ا. شاققاليەۆ.