استانا. قازاقپارات - 2024 -جىلدىڭ العاشقى ەكى ايىندا قىتايدا جاڭا قۋات كوزدەرىمەن جۇمىس ىستەيتىن ەسكى كولىكتەردىڭ ساتىلىمى 154 مىڭنان استام بىرلىكتى قۇرادى. بۇل تۋرالى قىتاي اۆتوموبيل ديلەرلەرى قاۋىمداستىعىنىڭ (CADA) حابارلاماسىندا ايتىلعان.
«ەكى ايدىڭ ىشىندە ەلدە جاڭا قۋات كوزدەرىمەن جۇمىس ىستەيتىن ەسكى كولىكتەردىڭ ساتىلىمى 154,2 مىڭ دانانى قۇرادى. بۇل ءبىر جىل بۇرىنعى كورسەتكىشتەن 83,3 پايىزعا ارتىق»، - دەلىنگەن CADA حابارلاماسىندا.
قاۋىمداستىقتىڭ مالىمەتىنشە، 2,89 ميلليونعا جۋىق ەسكى كولىك ساتىلدى، بۇل وپەراتسيالار بويىنشا جالپى سوما 27,6 ميلليارد دوللاردى قۇرادى.
قىتايداعى كولىك يەلەرىنىڭ سانى 340 ميلليونعا جەتتى. بۇل كورسەتكىش بويىنشا ەل الەمدە ءبىرىنشى ورىندا تۇر.
2024 -جىلدىڭ ناۋرىز ايىندا قىتايدىڭ جاڭا ەلەكتر كولىكتەرىن شىعاراتىن ءىرى وندىرۋشىلەرىنىڭ ساتىلىمى ءوستى.
قاۋىمداستىقتىڭ مالىمەتىنشە، 2023 -جىلدىڭ سوڭىندا قىتايدان اۆتوموبيل ەكسپورتىنىڭ جيىنتىق قۇنى 100 ميلليارد دوللاردان استى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан