قىتايدا نوسەر جاۋىن سالدارىنان 11 ادام ءىز-ءتۇزسىز جوعالىپ كەتتى
استانا. KAZINFORM - گۋاڭدۋڭ پروۆينسياسىنداعى (وڭتۇستىك قىتاي) گيدرولوگيالىق ستانسيالار بۇل پروۆينسياداعى 20 دان استام وزەن سۋىنىڭ ارناسىنان اسۋ قاۋپى جوعارى ەكەنىن حابارلادى، دەپ جازادى شينحۋا اگەنتتىگى.
گۋاڭدۋڭ پروۆينسياسىنىڭ سۋ رەسۋرستارى باسقارماسىنىڭ حابارلاۋىنشا، جەكسەنبى كۇنى ساعات 16.00-دە پروۆينسياداعى 24 وزەننىڭ 38 گيدرولوگيالىق ستانسياسىنداعى سۋ دەڭگەيى ەسكەرتۋ دەڭگەيىنەن اسىپ كەتكەن.
تولاسسىز جانە ۇزاققا سوزىلعان جاۋىن-شاشىن سالدارىنان بەيجياڭ وزەنىنىڭ تومەنگى اعىسىندا سۋ دەڭگەيى كۇرت كوتەرىلىپ، قاتتى سۋ تاسقىنى بولاتىنى ەسكەرتىلدى. قۇتقارۋ جۇمىستارى قازىردىڭ وزىندە جۇرگىزىلىپ جاتىر.
گۋاڭدۋڭ پروۆينسياسىنىڭ مەتەورولوگيالىق ورتالىعى الداعى اپتادا گۋاڭدۋڭ پروۆينسياسىندا جاڭبىر جاۋادى دەپ بولجايدى.
سوڭعى مالىمەت بويىنشا، قىتايدىڭ اتالعان پروۆينسيادا تولاسسىز جاۋعان جاۋىن سالدارىنان 11 ادام ءىز-ءتۇزسىز جوعالىپ كەتكەن.
اۆتور
ەركەجان سماعۇلوۆا