قىتايدا گەنەراتيۆتى ج ي- ءدى پايدالانۋشىلارىنىڭ سانى 515 ميلليونعا جەتتى
استانا. KAZINFORM - قىتاي ينتەرنەت-اقپارات ورتالىعىنىڭ ەسەبىنە سايكەس، 2025-جىلدىڭ ماۋسىم ايىنداعى جاعداي بويىنشا بۇل كورسەتكىش 2024-جىلدىڭ سوڭىمەن سالىستىرعاندا ەكى ەسەگە جۋىق ءوستى، دەپ حابارلايدى شينحۋا.
ءوسىم 266 ميلليون ادام بولدى، ال ج ي تەحنولوگيالارىنىڭ ەنۋى 36,5 پايىزعا جەتتى.
جاساندى ينتەللەكتىگە جاس جانە ءبىلىمدى ازاماتتار كوبىرەك قىزىعۋشىلىق تانىتىپ وتىر. 40 جاسقا دەيىنگى پايدالانۋشىلار ۇلەسى t,6، ال 7,5 ىنىڭ جوعارى ءبىلىمى بار.
ورتالىق ديرەكتورى ليۋ ءيۋيليننىڭ ايتۋىنشا، جاساندى ينتەللەكت قازىردىڭ وزىندە زەرتحانالىق تۇجىرىمدامادان جۇزدەگەن ميلليون ادامعا قىزمەت كورسەتەتىن جەتىلگەن قىزمەتكە اينالدى. ونىڭ اتاپ وتۋىنشە، پايدالانۋشىلار سانىنىڭ كۇرت ارتۋى ج ي- دى بۇكىل ەل بويىنشا سىناقتىق پايدالانۋدان كۇندەلىكتى قولدانۋعا اۋىسۋدى كورسەتىپ وتىر.
گەنەراتيۆتى ج ي- دىڭ وتاندىق ۇلگىلەرى قىتايلىق پايدالانۋشىلار اراسىندا تانىمال بولدى. ولار اقپاراتتى ينتەللەكتۋالدى ىزدەگەندە، سيفرلىق كونتەنت جاساعاندا، كەڭسە جۇمىسىن اۆتوماتتاندىرۋدا جانە «اقىلدى» قۇرىلعىلاردى باسقارۋ كەزىندە كەڭىنەن قولدانىلىپ وتىر.
باياندامادا سونداي-اق قىتايدىڭ جاھاندىق جي نارىعىنا ىقپالى ارتىپ كەلە جاتقانى اتاپ ءوتىلدى. 2025-جىلدىڭ ساۋىرىندەگى جاعداي بويىنشا قىتايدا ج ي- عا قاتىستى پاتەنتكە 1,576 ميلليون ءوتىنىم بەرىلدى، بۇل جاھاندىق جالپى كولەمنىڭ 8,58 ىن جانە الەمدەگى ەڭ جوعارى كورسەتكىشتى قۇرايدى.
بۇعان دەيىن قىتاي توتەنشە جاعدايلار سالاسىنا ج ي ەنگىزگەنىن جازعان بولاتىنبىز.