قىتايدا مينيستر تاڭ جەجياڭ ءتارتىپ بۇزعانى ءۇشىن تەرگەۋگە الىندى
استانا. KAZINFORM - قىتايدىڭ اۋىل شارۋاشىلىعى جانە اۋىلدىق ىستەر ءمينيسترى تاڭ جەجياڭ پارتيالىق ءتارتىپ پەن زاڭدى ورەسكەل بۇزدى دەگەن كۇدىكپەن تەرگەۋگە الىندى. بۇل تۋرالى تارتىپتىك تەكسەرۋ جونىندەگى ورتالىق كوميسسيانىڭ سايتىندا جاريالانعان رەسمي مالىمدەمەدە جازىلعان.
مالىمدەمەگە سايكەس، ق ح ر اۋىل شارۋاشىلىعى جانە اۋىل ىستەرى مينيسترلىگى باسشىلىعىنىڭ پارتيالىق توبىنىڭ حاتشىسى قىزمەتىن قوسا اتقاراتىن تاڭ جەجياڭعا قاتىستى تەرگەۋدى ءتارتىپتى تەكسەرۋ جونىندەگى ورتالىق كوميسسيا مەن مەملەكەتتىك قاداعالاۋ كوميتەتى جۇرگىزەدى.
تارتىپتىك بۇزۋشىلىقتارعا قاتىستى پارتيالىق تەكسەرۋ ادەتتە قىتاي شەنەۋنىكتەرىنىڭ سىبايلاس جەمقورلىققا قاتىستى ارەكەتتەرىنە جۇرگىزىلەدى.
ايتا كەتەيىك، تان جەنتسزيان ق ح ر اۋىل شارۋاشىلىعى جانە اۋىل ىستەر ءمينيسترى بولىپ 2020 -جىلدىڭ جەلتوقسان ايىندا تاعايىندالعان بولاتىن.
اۆتور
ەركەجان سماعۇلوۆا