قىتايدا چەمودانسىز قالماۋدىڭ جولى: جۇككە نە سالۋعا بولمايدى

استانا. KAZINFORM - حالىقارالىق ساپارلار - اسىرەسە كەدەندىك باقىلاۋدان ءوتۋ كەزىندە - مۇقيات دايىندىقتى تالاپ ەتەدى. ءار ەلدە جولاۋشىلاردىڭ جۇگىن تەكسەرۋگە قاتىستى ءوز ەرەجەلەرى بار.

قىتاي بۇل جاعىنان ەرەكشەلەنبەيدى. جاقىندا ءبىر بلوگەر قىتايعا نەمەسە سول ەل ارقىلى ۇشقاندا نەنى ەسكەرۋ قاجەت ەكەنىن ايتىپ بەردى، - دەپ حابارلايدى Massaget.kz ءتىلشىسى.

350 مىڭنان استام قارالىم جيناعان كريستينا ەسىمدى بلوگەردىڭ ۆيدەوسى جەلىدە كەڭ تارالدى. ول ءوز تاجىريبەسىمەن ءبولىسىپ، قىتايعا ۇشۋ كەزىندە جۇككە مۇلدە سالۋعا بولمايتىن زاتتار تۋرالى ەسكەرتتى.

«مەن جۇگىمە قاتتى ۋايىمداپ، اۆياكومپانيالار تۋرالى ميلليونداعان سايت پەن پىكىردى وقىپ شىقتىم - چەمودانىمدى نە ءۇشىن تەكسەرۋگە الىپ كەتۋى مۇمكىن ەكەنىن ناقتى بىلگىم كەلدى»، - دەيدى ول ۆيدەودا.

نەگىزگى تىيىمدار

بلوگەر تاجىريبەلى ساياحاتشىلاردىڭ كەڭەسىنە سۇيەنە وتىرىپ، قىتايعا ۇشقاندا نەمەسە سول ەل ارقىلى ترانزيتپەن وتكەندە جۇككە نەمەسە وزىڭىزبەن بىرگە مۇلدە الماۋ كەرەك زاتتاردىڭ ءتىزىمىن كەلتىردى:

ەلەكترونيكا جانە باتارەياسى بار قۇرىلعىلار: فەن، قۋاتتاعىشتار، پاۋەربانك، ەلەكترلىك ءتىس شەتكاسى، كامەرا، ستابيليزاتور سياقتى زاتتار تەك قول جۇككە عانا سالىنادى.

«باتارەياسى بار كەز كەلگەن قۇرىلعىعا تىيىم سالىنعان. ەلەكترلىك شەتكا ءۇشىن دە چەموداندى اشىپ، تەكسەرە الادى»، «ماركەرسىز پاۋەربانكىمدى تارتىپ الدى»، - دەپ جازادى پىكىر قالدىرۋشىلار.

وتتىقتار (زاجيگالكا) - مۇلدە تىيىم سالىنعان. نە جۇككە، نە قول سومكەگە سالۋعا بولمايدى.

«چەموداندى اشىپ، قۇلىپتى بۇزىپ، زاجيگالكانى الىپ كەتىپتى. ونىڭ ورنىنا ىشىنە حات قالدىرعان»، - دەيدى ءبىر قولدانۋشى.

انتيسەپتيكتەر، اسىرەسە قۇرامىندا سپيرتى بار - جۇككە دە، قول سومكەگە دە بولمايدى. «ەكى رەت انتيسەپتيگىمدى تارتىپ الدى»، - دەيدى پىكىر بىلدىرۋشىلەردىڭ ءبىرى. جەمىستەر مەن جانۋارلار ونىمدەرى: قىتاي كەدەن ەرەجەسى بويىنشا جەمىس-جيدەك، ەت، شۇجىق، سالو، ءسۇت ونىمدەرىن الىپ كىرۋگە بولمايدى. دەگەنمەن كەي قولدانۋشىلار ءوز تاجىريبەلەرىمەن ءبولىسىپ، كەيبىر جاعدايلاردا وتكەنى تۋرالى ايتقان:

«بورش ءپىسىرسىن دەپ، انام بەرگەن قىزىلشانى وتكىزدىم - كەدەنشى كۇلىپ جىبەردى»، «ءجۇزىمدى سەبەتپەن الىپ ءوتتىم - ەشتەڭە بولعان جوق». قىسىممەن جابىلعان باللوندار مەن سپرەيلەر: لاكتار، دەزودورانتتار، مۋسس، كوبىك سياقتى زاتتاردى الىپ قويۋى مۇمكىن. «شاڭحايداعى اۋىسىپ ءمىنۋ كەزىندە لاك پەن دەزودورانتىمدى الىپ قويدى»، - دەپ جازدى تاعى ءبىر قولدانۋشى.

تەمەكى مەن الكوگول - قىتايدىڭ كەدەندىك باس باسقارماسىنىڭ مالىمەتىنە ساي:

400 دانا تەمەكى نەمەسە 100 سيگاردان اسپاۋى كەرەك؛

1500 م ل- دەن اسپايتىن، قۇرامىندا  دان كوپ سپيرت بار الكوگول ونىمدەرى عانا؛

20000 يۋاننان نەمەسە 5000 ا ق ش دوللارىنان كوپ قولما-قول اقشانى دەكلاراتسياسىز الىپ وتۋگە بولمايدى. ارتىق بولسا، ارنايى كەدەندىك فورما تولتىرىلادى.

سونداي-اق قىتايعا مىنالاردى الىپ كىرۋگە بولمايدى:

جانۋارلار مەن وسىمدىكتەر، كارانتيندىك باقىلاۋعا جاتاتىن زاتتار (توپىراق، تۇقىم، جانۋار ونىمدەرى)، قارۋ-جاراق، ەسىرتكى، پسيحوتروپتىق زاتتار، مورالعا، مەملەكەتتىك مۇددەگە نەمەسە قىتاي مادەنيەتىنە قايشى كەلەتىن زاتتار.

نە الىپ وتۋگە بولادى جانە قالاي دۇرىس تاسىمالداۋ كەرەك؟

قول جۇككە نوۋتبۋك، فوتواپپارات، باتارەياسى بار گادجەتتەردى الۋعا بولادى.

پاۋەربانكتىڭ قۋات مولشەرى مىندەتتى تۇردە كورسەتىلۋى كەرەك (ادەتتە سىرتىندا جازىلادى).

تاماق ونىمدەرىن، اسىرەسە جاڭا جەمىستەر مەن جانۋارلار ونىمدەرىن مۇلدە الماعان ءجون.

كوسمەتيكا مەن سۇيىقتىقتار - ءار بوتەلكە 100 م ل- دەن اسپاۋى، ال بارلىعى 1 ليتردەن كوپ بولماۋى كەرەك.

ەگەر قىتايعا نەمەسە ونىڭ اۋماعى ارقىلى ترانزيتپەن ۇشساڭىز، كەدەندىك شەكتەۋلەردى مۇقيات زەرتتەڭىز، «وتەتىن شىعارمىن» دەپ ءۇمىت ارتپاڭىز. باگاجىڭىزدى اشىپ، تىيىم سالىنعان زاتتى الىپ قويۋى، ءتىپتى چەمودانىڭىزدى رەيسكە تيەپ ۇلگەرمەۋى مۇمكىن - بۇل اسىرەسە از ۋاقىتتىق اۋىسىم كەزىندە ورىن الادى. باگاجىڭىزدى ەكى رەت تەكسەرىڭىز، رەسمي نورمالاردى ۇستانىڭىز، جانە ەستە ساقتاڭىز: تەحنيكانى چەمودانعا سالىپ قالدىرۋدان گورى، ونى قول جۇككە العان قاۋىپسىز.