گونكونگ مەكتەبىنىڭ ءتورت وقۋشىسى قوعام يگىلىگىنە ارنالعان يدەيالار بايقاۋىندا جەۋگە بولاتىن بيولوگيالىق جولمەن ىدىرايتىن پلاستيك جاساپ شىعارعان. ورتا بۋىن وقۋشىلارى اراسىندا وتكەن «Seek Our Ways» الەۋمەتتىك يدەيالار باعدارلاماسى بايقاۋىندا جەڭىسكە جەتكەن بۇل جوبا تەك يننوۆاتسيا عانا ەمەس، سونىمەن قاتار بولاشاققا دەگەن ءۇمىتتىڭ بەلگىسى دەپ باعالانىپ وتىر، دەپ حابارلايدى scmp.
جاس ونەرتاپقىشتار قورشاعان ورتانى ساقتاۋعا باعىتتالعان، تاعام ونىمدەرىن قاپتاۋعا جارامدى، بيولوگيالىق ىدىرايتىن جانە جەۋگە بولاتىن كومپوزيت ماتەريال ويلاپ تاپقان. بۇل ەكولوگيالىق قاۋىپسىز بالاما قازىرگى تاڭدا كەڭىنەن قولدانىلاتىن پلاستيكتىڭ ورنىنا پايدالانۋعا مۇمكىندىك بەرەدى.
بايقاۋدى گونكونگ جاستار فەدەراتسياسىنىڭ ليدەرلىك ينستيتۋتى ۇيىمداستىرىپ، Hang Seng Bank قولداۋ كورسەتتى. باعدارلاما وقۋشىلار مەن ستۋدەنتتەردى قورشاعان ورتانى قورعاۋ، ينكليۋزيۆتى سپورت، قارتايۋ مەن دەنساۋلىق تاقىرىپتارىندا جاڭا يدەيالار جاساۋعا شابىتتاندىرۋدى ماقسات ەتەدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан